নিউজ ডেস্কঃ
সমাজকৰ্মী যতীন দেশাইৰ এক RTIৰ ভিত্তিত দিয়া তথ্য অনুসাৰে মোদী চৰকাৰে আয়কৰ দাতাৰ ৭১৩.২০ কোটি টকা খৰচ কৰিলে কেৱল নিজা চৰকাৰৰ বিজ্ঞাপনৰ বাবত যোৱা ২০১৯-২০ বিত্তীয় বৰ্ষত ৷
২৯৫.০৫ কোটি টকা ছপা মাধ্যমত, ৩১৭.০৫ কোটি টকা ইলেক্ট্ৰনিক মাধ্যমত আৰু ১০১.১০ কোটি টকা অন্যান্য মাধ্যমৰ বিজ্ঞাপনত খৰচ কৰে কেন্দ্ৰীয় চৰকাৰখনে ৷ তাৰোপৰি অন্যান্য বিদেশী মাধ্যমত দিয়া বিজ্ঞাপনৰ হিচাপ এই পৰ্যন্ত দিব পৰা নাই চৰকাৰী কৰ্তৃপক্ষই ৷
২০১৯চনত মুম্বাইৰ এজন সমাজকৰ্মী অনিল গালগালিৰ একেই বিষয়ক এক RTIৰ উত্তৰত চৰকাৰী কৰ্তৃপক্ষই জনাইছিল সেইটো বিত্তীয় বৰ্ষত আয়কৰৰ মুঠ ৩৭৬৭.২৬৫১ কোটি টকা সকলোবোৰ বিজ্ঞাপনত খৰচ কৰা হৈছিল ৷
গালগালি ডাঙৰীয়াৰেই ২০১৮চনৰ অন্য এক RTIৰ উত্তৰত চৰকাৰী পক্ষই জনোৱা অনুসৰি ২০১৪চনত বিজেপি চৰকাৰ শাসনৰ গাদীলৈ অহাৰপৰা ২০১৮চনলৈকে মুঠ ৪৩৪৩.২৬ কোটি টকা অন্যান্য মাধ্যমৰ বিজ্ঞাপনত খৰচ কৰিছিল ৷
কেৱল চৰকাৰৰ বিজ্ঞাপনতেই ৰাইজৰ ইমানবোৰ ধন খৰচ কৰিলে দেশৰ প্ৰকৃত উন্নয়নত খৰচ কৰিবলৈ পুনৰ ৰাইজেই ভৰিব লাগিব নেকি ধন ?
