অৱশেষত কেন্দ্ৰীয় স্বাস্থ্যমন্ত্ৰী ধৰ্মেন্দ্ৰ প্ৰধানৰ পদত্যাগ (Dharmendra Pradhan Resigns)। ককৰোচ জনতা পাৰ্টীৰ ধাৰবাহিক প্ৰতিবাদত নতি স্বীকাৰ কেন্দ্ৰীয় চৰকাৰৰ। শনিবাৰে পদত্যাগ কৰে শিক্ষামন্ত্ৰী ধৰ্মেন্দ্ৰ প্ৰধানে৷
সামাজিক মাধ্যমৰ জৰিয়তে পদত্যাগ পত্ৰ প্ৰকাশ কৰি ধৰ্মেন্দ্ৰ প্ৰধানে কয় যে চাৰি দশকৰো অধিক সময় ধৰি তেওঁ ছাত্ৰ-ছাত্ৰী, শিক্ষক তথা শিক্ষা ব্যৱস্থাৰ সংস্কাৰৰ বাবে নিজকে উছৰ্গা কৰি আহিহে।
তেওঁ শক্তিশালী, সৰ্বাংগীণ আৰু দূৰদৰ্শী শিক্ষা ব্যৱস্থা এটা শক্তিশালী জাতিৰ মূল শিলাস্তম্ভ বুলি বিশ্বাস কৰি অহা বুলি উল্লেখ কৰি কয়, “দেশৰ যুৱক-যুৱতীসকলৰ আকাংক্ষা, আৱেগক মই সন্মান কৰোঁ। ভাৰতৰ যুৱ-প্ৰজন্মৰ সপোন বাস্তৱায়িত কৰাটো আমাৰ সকলোৰে ৰাজনৈতিক আৰু সামাজিক জীৱনত এক নৈতিক প্ৰতিশ্ৰুতি ।”
তেওঁ লগতে প্ৰধানমন্ত্ৰীৰ দূৰদৰ্শী নেতৃত্বত দেশ সেৱা কৰাৰ সুযোগ লাভ কৰাৰ বাবে কৃতজ্ঞতা জনায়। লগতে ২০ লক্ষাধিক ছাত্ৰ-ছাত্ৰীৰ পৰীক্ষা সূচাৰুৰূপে পৰিচালিত হোৱাটো প্ৰথম অগ্ৰাধিকাৰ আছিল বুলি উল্লেখ কৰি ছাত্ৰ-ছাত্ৰী আৰু অভিভাৱকৰ সহযোগত ২১ জুনত নীট পুনৰ পৰীক্ষা সফলতাৰে সমাপ্ত হোৱা বুলি কয়।
আনহাতে, ১৬ জুলাইত ঘোষিত নীট ইউজিৰ ফলাফল সন্তোষজনক আছিল বুলি উল্লেখ কৰি কয় যে এই সময়ছোৱাতো কিন্তু দায়িত্বশীল পদবীত থকা ব্যক্তিসকলে বহু ছাত্ৰ-ছাত্ৰীক বিপথে পৰিচালিত কৰিবলৈ বাধা প্ৰদানৰ চেষ্টা চলাইছিল৷ যাৰ বাবে তেওঁ অন্তৰত দুখ পোৱা বুলি উল্লেখ কৰে।
পোষ্টটোৰ শেষত প্ৰতিবাদী শিক্ষাৰ্থীসকললৈ সন্মান জনাই তেওঁ উল্লেখ কৰিছে যে যন্তৰ-মন্তৰত তথা সমগ্ৰ দেশত সৃষ্টি হোৱা পৰিস্থিতিৰ বাবে যাতে এজনো ভাৰতীয় ছাত্ৰৰ ভৱিষ্যত আইনী জটিলতাত সোমাই নপৰে বা ল’ৰা-ছোৱালীসকলে পঢ়া-শুনাত নিয়োজিত হৈ নিজৰ কেৰিয়াৰ গঢ়াত মনোনিবেশ কৰিব পাৰে সেই লক্ষ্যৰেই তেওঁ প্ৰধানমন্ত্ৰীৰ ওচৰত পদত্যাগ-পত্ৰ দাখিল কৰে। লগতে প্ৰধানমন্ত্ৰীৰ দিহা-পৰামৰ্শ, বিশ্বাস আৰু নিৰন্তৰ সহায়ৰ বাবে তেওঁক আন্তৰিক কৃতজ্ঞতা জ্ঞাপন কৰে ।
