ষ্টাফ ৰিপ’ৰ্টাৰ
বিএছএফৰ বৃহৎ সাফল্য। গোপন খবৰৰ ভিত্তিত বিএছএফ এম এণ্ড চি ফিটাৰ, বিএছএফৰ ৯০ বিএন বিএছএফ আৰু আভ্যন্তৰীণ দলৰ সৈন্যসকলে এএছ ১১কে ২৪৮০ নম্বৰৰ এখন মহিন্দ্ৰা বলেৰো বাহন জব্দ কৰে। জব্দ কৰা বাহনখনৰ পৰা ৭,৩৯,৩৫,০ টকা মূল্যৰ ১,৪৫,৮০০টা ৱাইবিএ টেবলেট জব্দ কৰে। উক্ত নিচাযুক্ত দ্ৰব্য সৰবৰাহৰ লগত জড়িত ২ জন ব্যক্তি হৈছে জৰ্জ খাৱলিং (৪৪ বছৰ) আৰু চমূৱেল খাৱলিং (২৫ বছৰ)ক আটক কৰা হয়। দুয়োৰে জেৰা চলি আছে।
এই সন্দৰ্ভত আইজি দীনেশ বৰাই সংবাদ মাধ্যমক সম্বোধন কৰি কয়, য়াবা টেবলেটৰ বিপুল পৰিমাণৰ সৰবৰাহৰ বিষয়ে গোপন সূত্ৰে জানিব পাৰি কোলাচিব আৰক্ষী থানা আৰু বিলখাৱথলিৰ আৰক্ষী চকীৰ প্ৰতিনিধিৰ সহায়ত বাহনখনৰ সন্ধানত অভিযান চলাই ১৪টা ডাঙৰ হালধীয়া পেকেট আৰু ১,৪৫,৮০০ সংখ্যক য়াবা টেবলেট থকা ১টা সৰু পেকেট উদ্ধাৰ কৰা হয়। যাৰ বজাৰ মূল্য আনুমানিক ৭.২৯ কোটি টকা হ’ব বুলি তেওঁ প্ৰকাশ কৰে।
