ষ্টাফ ৰিপ’ৰ্টাৰ
ৰাইজৰ দলৰ তৃতীয়খন প্ৰাৰ্থী তালিকা প্ৰকাশ। মঠঘৰীয়াস্থিত দলৰ মুখ্য কাৰ্যালয়ত সোমবাৰে সন্ধিয়া ঘোষণা কৰা হয়। ৮ জনীয়া তৃতীয়খন প্ৰাৰ্থী তালিকা। কাৰ্যকৰী সভাপতি ভাস্ক-ডি শইকীয়াই প্ৰথম, দ্বিতীয় আৰু তৃতীয় পৰ্যায় মিলাই ঘোষণা কৰে প্ৰাৰ্থী তালিকাখন।
তৃতীয়খন প্ৰাৰ্থী তালিকাত প্ৰাৰ্থীত্ব লাভ কৰিছে ক্ৰমে- পূব গুৱাহাটীত দিৱস ফুকন, বৰক্ষেত্ৰীত ৰাফেল হুছেইন, ভৱানীপুৰত কমল কুমাৰ মেধি, জনীয়াত আশ্ৰাফুল ইছলাম, গোৱালপাৰা পূৰ্বত আমিনুল হক, চাপাগুৰি সুজন দাস, লাহোৱালত দিব্যজ্যোতি দত্ত, দেৰগাঁৱত প্ৰবীণ দাস, কলাইগাঁৱত পংকজ অসমীয়াক প্ৰদান কৰিছে প্ৰাৰ্থীত্ব।
আনহাতে চাবোৱা সমষ্টিত প্ৰাৰ্থীত্ব লাভ কৰা দ্বীপনজ্যোতি ফুকনৰ প্ৰাৰ্থীত্ব কৰ্তন কৰি প্ৰাক্তন মন্ত্ৰী ভবেন বৰুৱাক দলটোৱে প্ৰদান কৰিছে টিকট।
