ASSAM TIMES POST
প্ৰশান্ত বৰা, বকলীয়াঘাটঃ বকলীয়াঘাট আৰক্ষী থানাৰ অন্তৰ্গত হগলাকটা গাঁৱত আজি বিয়লি অচিনাক্ত বন্যপ্ৰাণীৰ আক্ৰমণত এজন যুৱক গুৰুতৰভাৱে আহত হয়।
জানিব পৰা মতে, নিজ বাৰীৰ চৌহদত কাম কৰি থকা অৱস্থাতে বান্দৰ সদৃশ এটা প্ৰাণীয়ে যুৱকজনৰ মুখ আৰু বুকুত কামুৰি গুৰুতৰভাৱে আহত কৰে।
প্ৰাণীটোৰ এনে আকস্মিক আক্ৰমণৰ পিছতে যুৱকজন অচেতন হৈ পৰে। আহত যুৱকজনক লগে লগে বকলীয়াঘাট অসামৰিক চিকিৎসালয়ত ভৰ্তি কৰোৱা হয় যদিও আঘাত গুৰুতৰ হোৱাৰ বাবে উন্নত চিকিৎসাৰ বাবে নগাঁৱলৈ প্ৰেৰণ কৰা হয়।
স্থানীয় লোকৰ বৰ্ণনাৰ ভিত্তিত আক্ৰমণ সংঘটিত কৰা প্ৰাণীটো লাজুকী বান্দৰ জাতীয় প্ৰাণী হোৱাৰ সন্দেহ কৰা হৈছে। ঘটনাটোৱে অঞ্চলটোত স্বাভাৱিকতে চাঞ্চল্যৰ সৃষ্টি কৰিছে।
