অজন্তা তালুকদাৰ,
বোকাখাতঃ
বোকাখাতৰ মহকুমাধিপতি বিপুল দাসে আজি ৰাজহচক্ৰ বিষয়াক বোকাখাত মহকুমাৰ অন্তৰ্গত সুলভমূল্যৰ দোকানসমূহৰ পৰা ৰাষ্ট্ৰীয় খাদ্য সুৰক্ষা অইন ২০১৩ ৰ অধীনত ৰেচন কাৰ্ড লাভ কৰি থকা ভুৱা তথা যোগ্যতাহীন হিতাধিকাৰীক চিনাক্ত কৰিবৰ বাবে গাওঁবুঢ়াসকলক সত্যাসত্য নিৰূপণৰ দায়িত্ব দিবলৈ নিৰ্দেশ দিছে।
এই নিৰ্দেশ লাভ কৰাৰ ৭ দিনৰ ভিতৰত গাওঁবুঢ়া আৰু সুলভমূল্য দোকানীৰ স্বাক্ষৰিত সত্যাসত্য নিৰূপণ কৰা হিতাধিকাৰীৰ তালিকা দাখিল কৰিবলৈ নিৰ্দেশ দিয়া হৈছে। চৰকাৰে ৰাষ্ট্ৰীয় খাদ্য সুৰক্ষা আইন ২০১৩ ৰ অধীনত কোনো ভুৱা তথা যোগ্যতাহীন হিতাধিকাৰী যাতে উপকৃত নহয় সেইয়া সুনিশ্চিত কৰাত গুৰুত্ব আৰোপ কৰিছে বুলি নিৰ্দেশনাত উল্লেখ কৰা হৈছে।
