ষ্টাফ ৰিপ’ৰ্টাৰ
বৃহস্পতিবাৰে পুৱা ৯ বজাত অসমত উপস্থিত হ’ব অলিম্পিক বিজয়ী অসম কন্যা বক্সাৰ লাভলীনা বৰগোঁহাই। দিল্লী পৰা বিশেষ বিমানযোগে গুৱাহাটীৰ বৰঝাৰ বিমানবন্দৰত উপস্থিত হ’ব লাভলীনা। বিমানবন্দৰ পৰা ডেৰ কোটিটকীয়া বাছেৰে লাভলীনাক লৈ অহা হ’ব হোটেল তাজ ভিভান্তা লৈ। তাতে দিনটো জিৰণি ল’ব বক্সাৰ লাভলীনাই। ইতিমধ্যে অসম গৌৰৱ বক্সাৰ গৰাকীক আদৰিবলৈ ব্যাপক প্ৰস্তুতি চলোৱা হৈছে গুৱাহাটীত।
লাভলীনাক আদৰিব লগা বাছখন সুন্দৰকৈ সজাই তোলা উপৰিও বক্সাৰগৰাকীৰ ফটো সংলগ্ন কৰা হৈছে। সমান্তৰালকৈ গুৱাহাটীৰ ৰাজপথ দুয়োপাৰত দেখা গৈছে শুভেচ্ছামূলক পোষ্টাৰ। গুৱাহাটী মাজ-মজিয়াৰে আদৰি আনিব লাভলীনা।
আনহাতে অসম চৰকাৰে বিয়লি ৩ বজাত শংকৰদেৱ কলাক্ষেত্রত বক্সাৰ লাভলীনাক সম্বৰ্ধনা জনাব। তাৰ বাবে সাজু কৰি তোলা হৈছে কলাক্ষেত্র। উল্লেখ অসম চৰকাৰ ক্ৰীড়া আৰু যুৱ কল্যাণ বিভাগৰ উদ্যোগত আয়োজন কৰা হৈছে সম্বৰ্ধনা অনুষ্ঠান। উক্ত অনুষ্ঠান মুখ্যমন্ত্ৰী ডঃ হিমন্ত বিশ্ব শৰ্মাই ৰাজ্য চৰকাৰৰ হৈ প্ৰদান কৰিব সম্বৰ্ধনা। ৰাজ্যিক ক্ৰীড়া নীতিৰ অধীনত আগবঢ়োৱা হব ৫০ লাখ টকা।
গুৰুত্বপূৰ্ণ কথা সম্বৰ্ধনা অনুষ্ঠানত লাভলীনা পৰিয়ালৰ লোকসকল উপস্থিত থাকিব।
