ষ্টাফ ৰিপ’ৰ্টাৰ
ডিফু : বোকাজান মহকুমাত পুণৰ নিষিদ্ধ ড্ৰাগছসহ এজনক আটক কৰা হৈছে ৷ খটখটী থানা অন্তৰ্গত লাহৰিজানত উদ্ধাৰ নিষিদ্ধ ড্ৰাগছখিনি ৷
বোকাজান মহকুমাৰ মহকুমা আৰক্ষী বিষয়া জন দাসৰ নেতৃত্বত, খটখটী আৰক্ষী চকীৰ ভাৰপ্ৰাপ্ত আৰক্ষী বিষয়া মৌব্লিক ব্ৰহ্ম, SI চৰণ মোহন চেতিয়াৰ সহযোগত এটা অভিযানকাৰী দলে চলোৱা তালাচীত নিষিদ্ধ ড্ৰাগছসহ এজনক আটক কৰিবলৈ সক্ষম হয়৷
নম্বৰ প্লেট বিহীন এখন স্কুটিৰ পৰা তিনিটা চাবোনৰ বাকচত খটখটী আৰক্ষীয়ে উদ্ধাৰ কৰে 33.90 গ্ৰাম নিষিদ্ধ ড্ৰাগছ।
খটখটী আৰক্ষীয়ে জব্দ কৰা ড্ৰাগছখিনিৰ বজাৰ মূল্য এক লাখমান হ’ব বুলি অনুমান কৰা হৈছে।
খটখটী আৰক্ষীয়ে সৰবৰাহৰ সৈতে জড়িত খটখটী আৰক্ষী চকীৰ অন্তৰ্গত লাহৰিজান টিলাবস্তিৰ আজহাৰ আলিৰ পুত্ৰ আমিৰ আলিক আটক কৰিছে বুলি জানিব পৰা গৈছে।
অধিক তথ্যৰ বাবে খটখটী আৰক্ষীয়ে আটক কৰা লোক জনক জেৰা অব্যাহত ৰাখিছে।
