ষ্টাফৰিপৰ্টাৰ
দৰঙত হৃদয় বিদাৰক ঘটনা। মালবাহী ট্ৰাক আৰু চুইফটৰ মুখামুখি খুন্দা থিতাতে নিহত ৫ জন যাত্ৰী।
খুন্দাত তিনিজন যুৱক আৰু এগৰাকী মহিলা আৰু আন এগৰাকী কিশোৰীৰ মৃত্যু হয়। ইফালে, আন তিনিজন গুৰুতৰভাৱে আহতক ভৰ্তি কৰা হৈছে মঙলদৈ অসামৰিক চিকিৎসালয়ত।
এই পথ দুৰ্ঘটনাত নিহত সকলক ইতিমধ্যে চিনাক্ত কৰা হৈছে। জানিব পৰা মতে, নিহত কেইজন ক্ৰমে- ছানিয়া আখতাৰা, মঞ্জু বেগম,ফৰিদুল ইছলাম,ইব্ৰাহিম আলী আৰু আব্দুল আৱাল। উল্লেখযোগ্য যে, নিহত ছানিয়া আখতাৰা এগৰাকী অসমৰ জনপ্ৰিয় ইউটিউবাৰ।
ৰৌতাত ইউটিউবৰ শ্বুটিঙৰ বাবে গৈছিল তেওঁলোক। শ্বুটিঙৰ বাবে যোৱা সময়তে এই দুৰ্ঘটনা সংঘটিত হয়। য’ত ছানিয়াৰ লগতে তেওঁৰ মাতৃ মঞ্জু আৰু বাকী তিনিজনে প্ৰাণ হেৰুৱায়। এই শ্বুটিঙৰ বাবে একেখন বাহনেত গৈছিল ৮জনকৈ লোক। ছানিয়া যোৱা ছুইফট ডিজায়াৰখনৰ নম্বৰ এএছ ০৭জি ৬৭৯৪।
