নৱবৰ্ষৰ প্ৰথম দিনটোতে বৈঠালাংচত ভয়াবহ দুৰ্ঘটনা : থিতাতে নিহত দুই বাইক আৰোহী

ষ্টাফ ৰিপ’ৰ্টাৰ

পশ্চিম কাৰবি আংলং : বিগত বৰ্ষৰ শেষৰ আৰু নৱবৰ্ষৰ প্ৰথম দিনটোত ৰাজ্যত দুৰ্ঘটনামুক্ত কৰাৰ চৰকাৰৰ যাৱতীয় প্ৰচেষ্টা অসাৰ হ’ল ৷ পশ্চিম কাৰবি আংলঙৰ বৈঠালাংচত পথ দুৰ্ঘটনাত থিতাতে নিহত হ’ল দুই মটৰ চাইকেল আৰোহী ৷ প্ৰাপ্ত খবৰ অনুসৰি নতুন বছৰৰ প্ৰথম দিনটোতেই বৈঠালাংছ’ত সংঘটিত হৈছে এই ভয়াবহ দুৰ্ঘটনা ৷

বলেৰ’ পিকআপ বাহনত পিছফালৰ পৰা দ্ৰুতবেগী বাইকে তীব্ৰ বেগত খুন্দিওৱাৰ ফলত অকালতে প্ৰাণ হেৰুাবলগীয়া হ’ল দুজন লোকৰ৷ জানিব পৰা মতে এখন বাইকখনত উঠি গৈ আছিল তিনিজনকৈ লোক ৷ নিহত এজন চি-ইম ৰংপী, আনজন চিনাক্ত হোৱা নাই ৷ ইয়াৰে গুৰুতৰভাবে আহত তৃতীয়জন বাইক আৰোহী ইমছ’ ৰংফাৰ ৷

বৈঠালাংছ’ আৰক্ষী থানাৰ পৰা মাত্ৰ ৫০০ মিটাৰ দুৰত্বত সংগঠিত হৈছে এই দুৰ্ঘটনা ৷ নৱবৰ্ষৰ বছৰৰ প্ৰাকক্ষণতেই এনে শোকাৱহ দুৰ্ঘটনাত অঞ্চলটোত শোকৰ ছাঁ পৰিছে৷