ষ্টাফ ৰিপ’ৰ্টাৰ
ডিফু : বোকাজান মহকুমাৰ ডিলাই আৰক্ষী চকীৰ অন্তৰ্গত লাহৰিজান পহৰা আৰক্ষীৰ নাকা তালাচীত ড্ৰাগছসহ এজন সৰবৰাহকাৰীক আটক কৰিছে আৰক্ষীয়ে।
এক গোপন সূত্ৰৰ ভিত্তিত বোকাজান মহকুমাৰ মহকুমা আৰক্ষী বিষয়া জন দাসৰ নেতৃত্বত আৰু ডিলাই আৰক্ষী চকীৰ ভাৰপ্ৰাপ্ত আৰক্ষী বিষয়া, লুৎফুৰ ৰহমান লাহৰিজান পহৰা চকীৰ SI (UB) দেৱ প্ৰতিম কোঁৱৰ আৰু বোকাজান CRPF বাহিনীৰ সহযোগত লাহৰিজান পহৰা আৰক্ষী নাকা পইণ্টত চলোৱা তালাচীত এখন ট্ৰাকৰ পৰা উদ্ধাৰ কৰিবলৈ সক্ষম হয় বুজন পৰিমানৰ নিষিদ্ধ হেৰইন ৷
উক্ত তালাচীত আৰক্ষীয়ে ডিমাপুৰৰ দিশৰপৰা আহি থকা NL-01AA-5840 নম্বৰৰ এখন ট্ৰাকৰ পৰা 110টা চাবোনৰ নিষিদ্ধ ড্ৰাগছখিনি বাকচত জব্দ কৰিবলৈ সক্ষম হয় ৷
ইতিমধ্যে ডিলাই আৰক্ষীয়ে সৰবৰাহৰ সৈতে জড়িত মণিপুৰৰ kangpoi আৰক্ষী চকীৰ অন্তৰ্গত Devi Prasad Chouhan-ৰ পুত্ৰ দীপক চেত্ৰী (26) নামৰ এজন চালক ৰূপী সৰবৰাহকাৰীক আটক কৰিছে বুলি জানিব পৰা গৈছে। আৰক্ষীয়ে জব্দ কৰা ড্ৰাগছখিনিৰ ওজন 1.5 কেজি । জব্দকৃত হেৰইনখিনিৰ আন্তৰাষ্ট্ৰীয় বজাৰমূল্য প্ৰায় ৮ কোটি টকা হ’ব বুলি জানিব পৰা গৈছে ৷ অধিক তথ্যৰ বাবে আটকাধীন সৰবৰাহকাৰীটোক ডিলাই আৰক্ষীয়ে জেৰা অব্যাহত ৰাখিছে বুলি জানিব পৰা গৈছে।