নিউজ ডেস্কঃ
ভাৰতীয় মহিলা ক্ৰিকেট দললৈ এক অনন্য সন্মান৷ ২০২১ বৰ্ষৰ আইচিচি মহিলা ক্ৰিকেটাৰৰ সন্মান প্ৰদান কৰা হৈছে ভাৰতীয় দলৰ সদস্য স্মৃতি মান্ধানাক৷ সোবৰাৰে আইচিচিয়ে এই সন্মান ঘোষণা কৰে৷ ২৫ বছৰীয়া তাৰকা বেটছমেনগৰাকীয়ে ২০২১ বৰ্ষত ২২ খন আন্তঃৰাষ্ট্ৰীয় মেচত গড়ে ৩৮.৮৬ ৰানেৰে মুঠ ৮৫৫ ৰান সংগ্ৰহ কৰিছে৷ ইয়াৰে ভিতৰত তেওঁ এটা শতকীয় আৰু ৫টা অৰ্ধশতকীয় ইনিংছ দেশক উপহাৰ দিছে ৷
উল্লেখ্য, এই বঁটাৰ বাবে স্মৃতিৰ সৈতে মনোনয়ন লাভ কৰিছিল ক্ৰমে ইংলেণ্ডৰ টেমী বিউমণ্ট, দক্ষিণ আফ্ৰিকাৰ লিজলি লী আৰু আয়াৰলেণ্ডৰ গেবী লিৱিছে৷
