ASSAM TIMES POST
নগাঁওঃ শাৰদীয় দুৰ্গাপূজালৈ মাজত মাথো পাঁচটা দিন। আজি ধৰাৰ বুকুলৈ নামিল দেৱী দুৰ্গা। অশুভ শক্তিক বিনাশ কৰিবলৈ মত্যলৈ নামিল শক্তিৰূপিণী মা দুৰ্গা।মহালয়াৰ এই পবিত্ৰ দিনটোত দেৱী দুৰ্গাক পূৰ্জা,আৰাধনা, স্তুতি-মিনতিৰে ভক্তি অৰ্ঘ প্ৰদান কৰিবলৈ পুৱতি নিশাৰে পৰা ৰাজ্যত প্ৰৱল উৎসাহ।
উল্লেখযোগ্য যে এইবাৰ দেৱী দুৰ্গা ঘোৰাত উঠি মত্যলৈ আগমন কৰিছে।অনুৰূ পধৰণে দেৱী দুৰ্গাই এইবাৰ ঘোঁৰাতেই মত্যৰ পৰা গমন কৰিব। শৰতৰ কাঁচলিত ধৰি,শুভ্ৰ শেৱালীৰ সুবাস শাৰদীয় দুৰ্গোৎসৱৰ প্ৰাকক্ষনত ৰাজ্যৰ প্ৰান্তে প্ৰান্তে আনন্দ মুখৰ পৰিৱেশ।
আজি মহালয়াৰ শুভক্ষনত সমগ্ৰ দেশৰ লগতে নগাঁৱতো উখল-মাখল পৰিৱেশ। উখল মাখল পৰিবেশৰ মাজেৰে ভক্তপ্ৰাণ ৰাইজৰ উপস্থিতিত বীণাপাণি পূজা আৰু নাট্য সমিতিৰ ১৫০ বছৰীয়া দুৰ্গা পূজাৰ দিনা পুৱা মহালয়াৰ শুভৰাম্ভ হয়।
নগাঁও চহৰৰ ঐতিহ্যমণ্ডিত বীণাপাণি পূজা আৰু নাট্য সমিতিৰ দুৰ্গা পূজাই চলিত বৰ্ষত ১৫০ বছৰত ভৰি দিলে। ১৫০ বছৰীয়া বৰ্ষপুৰ্তি উপলক্ষে বীণাপাণি পূজা সমিতিত শণিবাৰে মহালয়াৰ দিনটোৰ পৰা ১১ দিনীয়া কাৰ্যসূচীৰে দূৰ্গোৎসৱৰ আৰম্ভণি হয়। এই উপলক্ষে শণিবাৰে পুৱা পতাকা উত্তোলনৰে জয়ন্তী উৎসৱৰ শুভাৰম্ভ হয়।
ইয়াৰ পিছতেই চহৰখনৰ মাজেদিয়েই উলিওৱা বৰ্ণাঢ্য সাংস্কৃতিক শোভাযাত্ৰা মুকলি কৰে জনপ্ৰিয় অভিনেত্ৰী চেতনা দাসে। শুভাৰম্ভ অনুষ্ঠানৰ লগত সংগতি ৰাখিয়ে ফনিভূষন শৰ্মাৰ পৰিকল্পনা, পাপু কলিতাৰ কথা আৰু চন্দন বেজবৰুৱাৰ সুৰেৰে প্ৰস্তত কৰা “তুমি বীণাপাণি” শীৰ্ষক ভক্তিমূলক গীতো মুকলি কৰা হয়।
