হোজাইৰ পৰা মনোজ কুমাৰ পাঠক
ডবকাৰ ভেলেউগুৰি আদৰ্শ বিদ্যালয়ৰ শিক্ষকৰ আজব কাণ্ড। শৰীৰ বিষাই থকাৰ বাবেই হেনো ড্ৰাগছ খাই শিক্ষক বাপ্পন দেই। হোজাইৰ যমুনামুখত ৰাইজে খেদি খেদি আটক কৰে শিক্ষকসহ দুই ড্ৰাগছ আসক্ত যুৱকক। পথাৰৰ মাজৰ পৰা ৰাইজে আটক কৰে মুশ্বাইদ আলী, অশোক ৰায় আৰু বাপ্পন দে নামৰ শিক্ষকক।
ধৃত তিনি যুৱকৰ পৰা ব্ৰাউন চুগাৰৰ কন্টেইনাৰ উদ্ধাৰ হয়। ৰাইজে যমুনামুখ আৰক্ষীক খবৰ দিয়াত আৰক্ষী ঘটনাস্থলিত উপস্থিত হৈ ধৃত তিনিওকে চমজি লয়। ধৃত যুৱক তিনিজন ক্ৰমে নগঞাপামৰ মুসাইদ আলী, ডবকাৰ ভেলৌগুৰিৰ অশোক ৰায় আৰু বাপ্পন দে।
উল্লেখযোগ্য যে, ধৃত বাপ্পন দে পেছাত এগৰাকী শিক্ষক। তেওঁ হেনো ড্ৰাগছ নাখালে পিঠি বিষায়। তিনিওজনকে আৰক্ষীয়ে জেৰা অব্যাহত ৰাখিছে।
