ডিফু-
কালি কাৰবি আংলং জিলাৰ সদৰ চহৰ ডিফুত বুজন পৰিমানৰ নিষিদ্ধ ড্ৰাগছ উদ্ধাৰ হোৱাৰ পিছত মঙ্গলবাৰে নিশা বোকাজান মহকুমাৰ মহকুমা আৰক্ষী বিষয়া জন দাসৰ নেতৃত্বত আৰু ডিলাই আৰক্ষী চকীৰ ভাৰপ্ৰাপ্ত আৰক্ষী বিষয়া লুৎফুৰ ৰহমানৰ সহযোগত নিশা ডিমাপুৰৰ দিশৰ পৰা আহি থকা AS-02CC-7824 নম্বৰৰ এখন TATA YODHA গাড়ীত তালাচী চলাই উদ্ধাৰ কৰিবলৈ সক্ষম হয় পুণৰ নিষিদ্ধ ড্ৰাগছ।
ডিলাই আৰক্ষীৰ নাকা পইণ্টত চলোৱা তালাচীত বাহনখনৰ পৰা তিনিটা চাবোনৰ বাকচত গোপন চেম্বাৰত ভৰাই ৰখা অৱস্থাত উদ্ধাৰ কৰে 37.008 গ্ৰাম নিষিদ্ধ ড্ৰাগছ।
ডিলাই আৰক্ষীয়ে বাহনসহ ড্ৰাগছ সৰবৰাহকাৰী দুজনক ইতিমধ্যে আটক কৰি অধিক তথ্যৰ বাবে জেৰা অব্যাহত ৰাখিছে বুলি জানিব পৰা গৈছে।
ডিলাই আৰক্ষীয়ে উক্ত ড্ৰাগছ খিনিৰ সৈতে মৰিগাঁও জিলাৰ ফিৰোজ খান,আৰু নগাঁও কঁচুৱাৰ তাইজ উদ্দিন হুছেইন নামৰ সৰবৰাহকাৰী দুজনক আটক কৰিছে।
