ASSAM TIMES POST
নতুন দিল্লীঃ ‘দ্য ইণ্ডিয়ান এক্সপ্ৰেছ’ কাকতখনে সোমবাৰে প্ৰকাশ কৰা ‘আইই ১০০-২০১৯’ শীৰ্ষক আটাইতকৈ ক্ষমতাশালী ভাৰতীয়ৰ ১০০ জনীয়া তালিকাখনত প্ৰথম স্থান দখল কৰিছে দেশৰ প্ৰধানমন্ত্ৰী নৰেন্দ্ৰ মোডীয়ে। দ্বিতীয় স্থানত আছে গৃহমন্ত্ৰী অমিত শ্বাহ। তৃতীয় স্থান দখল কৰিছে দেশৰ মুখ্য ন্যায়াধীশ, অসম সন্তান ৰঞ্জন গগৈয়ে। একেখন তালিকাৰে ৫৬ সংখ্যক স্থানত আছে অসমৰ বিত্ত, স্বাস্থ্য আৰু গড়কাপ্তানি মন্ত্ৰী ডঃ হিমন্ত বিশ্ব শৰ্মা। তালিকাখনৰ ৫৫ সংখ্যক স্থান লাভ কৰিছে কেন্দ্ৰীয় মন্ত্ৰী স্মৃতি ইৰাণীয়ে। ডঃ শৰ্মাৰ পাছতেই, ৫৭ সংখ্যক স্থানত আছে বিগ বি অমিতাভ বচ্ছন। ২০১৮ বৰ্ষৰ একেখন তালিকাত ডঃ হিমন্ত বিশ্ব শৰ্মাৰ স্থান আছিল ২৭।
