নিউজ ডেস্কঃ
যোৱা ১৩ ফেব্ৰুৱাৰীত মুম্বাইৰ ব্রিচ কেণ্ডি হস্পিটেলত শেষ নিশ্বাস ত্যাগ কৰে বলিউডৰ ‘ৰক ষ্টাৰ’ বাপ্পি লাহিড়িয়ে। তেওঁ গুচি গ’লেও তেওঁৰ স্মৃতি সদায় সজীৱ হৈ থাকিব মানুহৰ হৃদয়ত। কেৱল ভাৰততেই তেওঁৰ জনপ্রিয়তা সীমাবদ্ধ নাছিল। ভাৰতৰ সীমা পাৰ কৰি আন্তর্জাতিক খ্যাতিও লাভ কৰিছিল৷
মুম্বাইতে চলিছে মাইকেল জেকছৰ কনচার্ট। সময়টো ঠিক নব্বৈৰ দশকৰ মাজমানৰ। ভাৰতীয় সঙ্গীত জগতৰ পৰা তালৈ এজনকেই আমন্ত্রণ জনোৱা হৈছিল, তেৱেঁই হৈছে বলিউডৰ ডিস্কো কিং বাপ্পি লাহিড়ি। ডিস্কো কিঙৰ নাম উঠিছিল গিনিছ বুক অব ৱর্ল্ড ৰেকর্ডতো। আনকি হলিউডি ছবিতো তেওঁৰ গান ব্যৱহাৰ হৈছিল।
এটা বছৰত সর্বাধিক গান ৰেকর্ডৰ বাবেই গিনিছ বুক অব ৱর্ল্ড ৰেকর্ডত নাম উঠিছিল বাপ্পি লাহিড়িৰ। ১৯৮৬ চনত ৩৩ খন ছবিৰ বাবে ১৮৬ টা গান ৰেকর্ড কৰিছিল তেওঁ।
আনহাতে, বাপ্পি লাহিড়িয়েই একমাত্র ভাৰতীয় সুৰকাৰ যাক বিবিচি লণ্ডনৰ হৈ লাইভ অনুষ্ঠানৰ অনুৰোধ জনাইছিল জোনাথন ৰছে। ‘জাষ্টিচ ফৰ উইডোজ’ নামৰ স্বেচ্ছাসেৱী সংগঠনটোৱে তেওঁক ‘হাউছ অব লর্ডছ’ সন্মানো দিয়ে।
কেৱল ইমানেই নহয়, ২০১১ চনত আমেৰিকান আইডল জিঅ’ শ্বন বাৰোজৰ সৈতে তেওঁ ‘ৱাকিং অন লাভ ষ্ট্ৰীট’ নামৰ এটি এলবাম কৰে। ‘ইউ ড’ন্ট মেচ্চ উইথ গ্য জোহানছ’ নামৰ হলিউডৰ এখন ছবিতো বাপ্পি লাহিড়িৰ বিখ্যাত গান ‘জিমি জিমি’ ব্যৱহাৰ কৰা হয়।
