ASSAM TIMES POST
নতুন দিল্লীঃ ভাৰতীয় প্ৰযুক্তিবিদ্যা প্ৰতিষ্ঠান, মাদ্ৰাছত প্ৰধানমন্ত্ৰী নৰেন্দ্ৰ মোডীয়ে প্ৰদান কৰা ভাষণৰ পোনপটীয়া সম্প্ৰচাৰ নকৰি নিলম্বিত হ’ল চেন্নাই দূৰদৰ্শন কেন্দ্ৰৰ সহকাৰী সঞ্চালক আৰ বাসুমাথী।
প্ৰাপ্ত তথ্য অনুসৰি, গত ৩০ ছেপ্টেম্বৰত এই ঘটনা ঘটিছিল। সেইদিনা আইআইটি, মাদ্ৰাছত প্ৰধান মন্ত্ৰীজনে প্ৰদান কৰা ভাষণৰ প্ৰথমখিনি সম্প্ৰচাৰ কৰিছিল কেন্দ্ৰটোৱে। কিন্তু ওপৰৰপৰা আন চেনেলত এই সম্প্ৰচাৰ চলি থকা বুলি খবৰ অহাত সহকাৰী সঞ্চালকজনে ইয়াত সম্প্ৰচাৰ বন্ধ কৰে।
ভুল বুজাবুজিৰ পৰিণতিতে এনে হ’বলৈ পালে বুলি প্ৰকাশ পাইছে যদিও প্ৰচাৰ ভাৰতীয় নিৰ্ধাৰিত আইনৰ অধীনত তেওঁক নিলম্বিত কৰে ১ অক্টোবৰত। অৱশ্যে, নিলম্বনৰ কাৰণ স্পষ্টভাৱে প্ৰচাৰ ভাৰতীয় নিলম্বন পত্ৰত উল্লেখ কৰা নাই।
