অষ্টম শ্রেণীৰ পিছত স্কুললৈ যোৱা এৰি দিয়ে। ঘৰৰ পৰা পলাই গৈ তিনিদিন অন্তৰ্ধান হৈ থাকে। পুনৰ উভতি আহে ঘৰলৈ। এইবাৰ আৰম্ভ কৰে গাঞ্জাৰ নিচা। বাৰে বাৰে মানা কৰিলেও কাণ নিদিয়ে। সোমবাৰে সেয়ে ঘৰলৈ অহাৰ পিছত গছত বান্ধি লয় মাতৃয়ে। তাৰ পিছত মুখত সানি দিয়ে জলকীয়াৰ গুড়ি। সোমবাৰে সংঘটিত এই ঘটনাটো হায়দৰাবাদৰ সূর্যপেট জিলাৰ কোডাডৰ গান্ধীনগৰ অঞ্চলৰ।
https://twitter.com/Sarika__reddy/status/1510965310970822659
নেট মাধ্যমত ভাইৰেল হৈছে ভিডিওটো। মাতৃৰ শাসনৰ ধৰণ দেখি দুটা ভাগত বিভক্ত নেটিজেনসকলো। ভিডিওটোত দেখা গৈছে, গছত পিছফালে হাত বন্ধা অৱস্থাত পুত্ৰৰ মুখত জলকীয়া গুড়ি সানি দিছে মাতৃয়ে।
অৱশ্যে এই ঘটনাৰ তীব্র গৰিহণা দিছে স্থানীয় থানাৰ আৰক্ষী বিষয়াই। মাতৃয়ে এনে ব্যৱহাৰ কৰাটো উচিত নহয় বুলি তেওঁ জনায়।
