নগাঁৱৰ গোমোঠা গাঁৱত সংঘটিত এক ভয়ংকৰ পথ দূৰ্ঘটনাত আহত হৈছে শিশুসহ মুঠ সাত জন ব্যক্তি। বহিঃৰাজ্যৰ এহাল পৰ্যটকে ফৰচোনা গাড়ীৰে কাজিৰঙালৈ গৈ থকা অৱস্থাত তীব্ৰবেগেৰে পিছ ফালৰ মহতিয়াই লৈ যায় এখন যাত্ৰীবাহী টেম্পুক।
উল্লেখ্য যে, দূৰ্ঘটনাগ্ৰস্ত টেম্পুখনত বহু সময় ধৰি আবদ্ধ হৈ থকা দুটি শিশু আৰু মহিলা এগৰাকীক স্থানীয় ৰাইজৰ সহযোগত উদ্ধাৰ কৰা হয়। দূৰ্ঘটনাটোৰ ফলত গুৰুতৰভাৱে আঘাতপ্ৰাপ্ত দুজন লোকক ততাতৈয়াকৈ নগাঁৱলৈ প্ৰেৰণ কৰা হয়।
লগতে, দূৰ্ঘটনাটোক কেন্দ্ৰ কৰি পৰৱৰ্তী সময়ত ৩৭নং ৰাষ্ট্ৰীয় ঘাইপথত তীব্ৰ যান-যটঁৰ সৃষ্টি হয়। ঘটনাস্থলীত নগাঁও যানবাহন আৰক্ষী উপস্থিত হৈ পৰিস্থিতৰ তদাৰক কৰে।
