নগাঁৱৰ আৰক্ষীৰ অভিযানত আটক এগৰাকী মহিলাৰ লগতে তিনি ড্ৰাগছ সৰবৰাহকাৰী। ৪০ টা হিৰইন ভৰ্তি কন্টেনাৰ লগতে বুজন পৰিমাণৰ নিচাযুক্ত ঔষধ আৰু নগদ ৬০৪০ টকা জব্দ কৰে আৰক্ষীয়ে।
নগাঁৱৰ হয়বৰ গাওঁ আৰক্ষী চকীৰ ভাৰপ্ৰাপ্ত বিষয়া তৰংগ পাটোৱাৰীৰ নেতৃত্বত যোৱা আৰক্ষীৰ দলে যোৱা নিশা নগাঁও চহৰৰ চকীটুপ ফাচীৰোডত এই অভিযান চলায়। আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰী দুজনৰ নাম হৈছে ক্ৰমে জয়নাল উদ্দিন(৩২),ৰশ্বিদা খাতুন (৩০)। উক্ত দুয়ো গৰাকী পতি-পত্নীয়ে দীৰ্ঘদিন ধৰি অঞ্চলটোত ড্ৰাগছৰ ৰমৰমীয়া ব্যৱসায় চলাই আহিছিল।
আনহাতে আকৌ, নগাঁও নগৰ আৰক্ষীৰ ভাৰপ্ৰাপ্ত বিষয়া অচ্যুত কৃষ্ণ ফুকনৰ নেতৃত্বত যোৱা আৰক্ষীৰ দলে যোৱা নিশা ছোটৰূপহীত অভিযান চলাই এজন ড্ৰাগছ সৰবৰাহকাৰী জামাল উদ্দিন(৩৫) ক গ্ৰেপ্তাৰ কৰিবলৈ সক্ষম হয়।আৰক্ষীয়ে তেওঁৰ পৰা ৭টা হিৰ’ইন ভৰ্ত্তি কণ্টেনাৰ জব্দ কৰে।
