কৰণ জোহৰৰ ৫০ তম জন্মদিনত বহুতো তাৰকা একেলগে আহিছিল। প্ৰযোজক কৰণ জোহৰে অৰ্ধ শতক সম্পূৰ্ণ কৰিছে, যাৰ পিছত তেওঁ মুম্বাইৰ য়শ ৰাজ ষ্টুডিঅ’ত তেওঁৰ বলীউড বন্ধুসকলৰ বাবে এক বিশাল পাৰ্টিৰ আয়োজন কৰিছিল।
এই পাৰ্টিত বলীউডৰ এনেও বহুতো ডাঙৰ তাৰকাও উপস্থিত আছিল যিসকলে বিগত বহু বছৰ ধৰি ইজনে আনজনৰ মুখামুখি হোৱা নাই। আৰু, এই তাৰকাসকলৰ ভিতৰত দুগৰাকী হৈছে কাজল আৰু আমিৰ খান।
কাজল আৰু আমিৰ খানে ১৬ বছৰ আগতে ‘ফানা’ নামে এখন ছবিত কাম কৰিছিল। য’ত তেওঁলোক দুয়োজনে জুনি আৰু ৰিহানৰ চৰিত্ৰ ৰূপায়ণ কৰিছিল। সেই সময়ত ছবিখনে দৰ্শকৰ পৰা বহুল সমাদৰ লাভ কৰিছিল আৰু ফানাই ২০০৬ চনত বক্স অফিচত প্ৰায় ১০৫ কোটি টকাৰ ব্যৱসায় কৰিছিল।
ইয়াৰ পূৰ্বে, “ইশ্ক” ছবিখনত দুয়োগৰাকী তাৰকাক একেলগে দেখা গৈছিল। কিন্তু ফানাৰ পিছত, এই দুয়োগৰাকী তাৰকাই কোনো সময়তে লগ পোৱা নাছিল বা তেওঁলোক দুয়ো ইজনে সিজনৰ সৈতে মুখামুখি হোৱা নাছিল। কৰণ জোহৰৰ পাৰ্টিত বিগত ১৬ বছৰৰ পাছত দুয়ো লগ হৈছিল, য’ত কাজল আৰু আমিৰ খানে এটা ভাল সময় কটাইছিল।
কাজলে কৰণ জোহৰৰ পাৰ্টিৰ এটা ভিডিঅ’ ইনষ্টাগ্ৰামত শ্বেয়াৰ কৰিছে লগতে আমিৰ খানৰ সৈতে তেওঁৰ পুৰণি স্মৃতিবোৰ পুনৰ জীৱিত কৰিছে।
বহু বছৰৰ পিছত কাজল আৰু আমিৰ খানক একেলগে দেখি অনুৰাগীসকলো উৎসাহিত হৈ উঠিছে। কেইঘণ্টামান আগতে পোষ্ট কৰা ফটোখনে এতিয়ালৈকে ১ লাখ ৮০ হাজাৰৰো অধিক লাইক লাভ কৰিছে। এজন ব্যৱহাৰকাৰীয়ে পোষ্টটোত মন্তব্য কৰি লিখিছে, “বৰ্ধিত বয়সৰ সৈতে তেওঁলোক আৰু অধিক ধুনীয়া হৈ উঠিছে।” আন এজন ব্যৱহাৰকাৰীয়ে লিখিছে, “আমি সকলোৱে ইয়াৰ বাবে অপেক্ষা কৰি আছিলো।”
