প্রাক্তন কূটনৈতিক বিষয়া আৰু প্রাক্তন সামৰিক বিষয়া স্তৰত ভাৰত আৰু পাকিস্তানৰ মাজত ‘ট্ৰেক টু’ আলোচনাৰ খবৰ প্রকাশ পাইছে। সূত্রৰ খবৰ মতে, এই উদ্যোগত কোনো দেশৰ চৰকাৰী পক্ষই প্ৰত্যক্ষভাৱে অংশগ্ৰহণ নকৰে। বিদেশ মন্ত্ৰালয়ৰো কোনো ভূমিকা ইয়াত নাই। কিন্তু যিকোনো ‘ট্ৰেক টু’ৰ দৰেই দ্বিপাক্ষিক সম্পর্ক কিছু সহজ কৰাই এই আলোচনাৰ লক্ষ্য। সূত্র মতে, সম্প্রতি থাইলেণ্ডত এনে ধৰণৰ এক আলোচনা হৈছে দুয়ো দেশৰ প্রতিনিধিসকলৰ মাজত।
যিহেতু কূটনৈতিক সম্পর্ক কার্যত অচল, দ্বিপাক্ষিক বাণিজ্যৰ অৱস্থাও অতি বেয়া। ইমৰান খানৰ পিছত শ্বাহবাজ শ্বৰিফ প্রধানমন্ত্রী হোৱাৰ পিছত তেওঁ আৰু চৰকাৰে বিভিন্ন মঞ্চত কাশ্মীৰ সন্দৰ্ভত ভাৰতৰ কোৰ্টৰ ফালেই বল ঠেলিছে, কিন্তু ভিতৰি ভিতৰি এটা চেষ্টাও আছে নিজ দেশৰ ভগ্নপ্ৰায় অর্থনীতিক আগন্তুক নিৰ্বাচনৰ পূৰ্বে উদ্ধাৰ কৰাৰ। ভাৰতৰ সৈতে বাণিজ্য বৃদ্ধি পাকিস্তানৰ প্রয়োজনৰ ভিতৰতে পৰে। তাৰ লগতে কাশ্মীৰক আলোচনাৰ মেজলৈ উভতাই আনিবলৈও উদগ্রীব পাকিস্তানৰ নতুন চৰকাৰ।
বর্তমান ভূকৌশলগত পৰিস্থিতিত আমেৰিকাসহ পশ্চিমৰ কিছু ৰাষ্ট্ৰৰ চাপো আছে দক্ষিণ এছিয়াত শান্তি উভতাই অনাৰ। অর্থাৎ ভাৰত আৰু পাকিস্তানৰ মাজত শান্তি বাহাল ৰখাৰ।
উক্ত আলোচনাৰ পিছত আমেৰিকাও থকা বুলি অনুমান কৰা হৈছে।
