অসমৰ অন্যতম প্ৰাচীন ভূমিপুত্ৰ মটক জনগোষ্ঠীৰ এগৰাকী বিশিষ্ট শিক্ষাবিদ, গৱেষক,বুৰঞ্জীবিদ, সামাজিক, সাংস্কৃতিক, ৰাজনৈতিক ইতিহাসলৈ অনবদ্য বৰঙণি আগবঢ়াই থৈ যোৱা অসম চুক্তি ৰূপায়ণ সমিতিৰ সদস্য আৰু অৰুণাচল বিশ্ববিদ্যালয়ৰ প্ৰাক্তন ডীন ড° সৃষ্টিধৰ দত্তৰ শেষকৃত্য আজি ৰাজ্যিক মৰ্যাদাৰে সম্পন্ন হয়। আৰক্ষী টোপধ্বনিৰে তেখেতৰ পৈতৃক গৃহ হাটখোলা গাঁৱত তেখেতৰ শেষকৃত্য সমাপন হয়।
মুখ্যমন্ত্ৰী ড° হিমন্ত বিশ্ব শৰ্মাই ডিব্ৰুগড়ৰ বৈৰাগীমঠৰ বাসগৃহত উপস্থিত হৈ ড° সৃষ্টিধৰ দত্তৰ প্ৰতি শেষ শ্ৰদ্ধাঞ্জলি জনাই শোকসন্তপ্ত পৰিয়ালবৰ্গক গভীৰ সমবেদনা জ্ঞাপন কৰে। তেখেতক শ্ৰদ্ধাঞ্জলি জ্ঞাপনৰ অৰ্থে আন বিভিন্ন গৰাকী উচ্চ পদস্থ বিষয়ববীয়া উপস্থিত থাকে।
তেখেতক নশ্বৰ দেহ পুষ্পসজ্জিত বাহনেৰে বিভিন্ন ঠাইলৈ লৈ যোৱা হয়। ঠাই সমূহ হৈছে ক্ৰমেঃ
👉🏻 শ্ৰীশ্ৰী অনিৰুদ্ধদেৱ কণিষ্ঠ মহাবিদ্যালয়
👉🏻 সদৌ অসম ছাত্ৰ সন্থাৰ ডিব্ৰুগড় জিলা মুখ্য কাৰ্যালয় শ্বহীদ ভৱন
👉🏻 ৰাষ্ট্ৰীয় ঘাইপথেৰে পৈতৃক গৃহ হাটখোলালৈ গায়ন বায়নেৰে এক ৰেলী কৰি লৈ যোৱা হয়
👉🏻 পুনৰ শৱ যাত্ৰা কৰি তেখেতে অধ্যয়ন কৰা শিক্ষানুষ্ঠান মদাৰখাত এছ আৰ চি উচ্চতৰ মাধ্যমিক বিদ্যালয়লৈ নিয়া হয়
👉🏻 লগতে, তেওঁ পঢ়া এক নম্বৰ মদাৰখাত প্ৰাথমিক বিদ্যালয়লৈ নিয়া হয়
উক্ত ঠাইসমূহত বিভিন্ন ৰীতি-নীতিৰে শেষ শ্ৰদ্ধাঞ্জলি জ্ঞাপন কৰে ইতিহাসবিদ ডঃ সৃষ্টিধৰ দত্তক। ৰাজ্যিক মৰ্যাদাৰৰ লগতে মায়ামৰা ধৰ্মীয় ৰীতি নীতি পৰম্পৰাৰে শোকাকূল পৰিবেশৰ মাজেৰে শেষকৃৎ সম্পন্ন কৰা হয় তেখেতৰ।
