ভাৰতত বাস কৰা ৮১ জন চীনা লোকক দেশ এৰি যাবলৈ জাননী প্ৰদান কৰা হৈছে। প্ৰমাণ পোৱা গৈছে যে তেওঁলোকৰ প্ৰত্যেকেই কোনো অবৈধ কাৰ্যকলাপত জড়িত আছিল, বা ভিছাৰ চৰ্ত উলংঘা কৰি দেশখনত অবৈধভাৱে আছিল।
মঙলবাৰে লোকসভাত কেন্দ্ৰই জনোৱা মতে, একেধৰণৰ অভিযোগত ২০১৯ চনৰ পৰা ২০২১ চনলৈ আৰু ১১৭ জন চীনা নাগৰিকে ভাৰত এৰি যাবলৈ বাধ্য হৈছে।
মঙলবাৰে লোকসভাত এই তথ্য দিয়ে কেন্দ্ৰীয় গৃহ ৰাজ্যমন্ত্ৰী নিত্যানন্দ ৰায়ে। তেওঁ কয় যে ইয়াৰ উপৰি আন ৭২৬ জন চীনা লোক আইন ভংগ কৰাৰ অভিযোগত অভিযুক্ত হৈছে আৰু তেওঁলোকক সন্দেহজনক তালিকাত অন্তৰ্ভুক্ত কৰা হৈছে।
নিত্যানন্দই কয় যে বিদেশৰ পৰা ভিছা লৈ এই দেশলৈ অহাসকলৰ ওপৰত কেন্দ্ৰই চকু ৰাখে। বহুক্ষেত্ৰত এই বিদেশীসকলে ভিছাৰ ম্যাদ উকলি যোৱাৰ পিছতো ভাৰতত বাস কৰি আছে। চীনা নাগৰিকৰ লগতে আন দেশৰ নাগৰিককো সতৰ্ক কৰি দিয়া হৈছে।
যদি সেই জাননী প্ৰেৰণ কৰাৰ পিছতো কোনো প্ৰতিক্ৰিয়া নহয়, তেনেহ’লে জাননী প্ৰেৰণ কৰা হ’ব। কিন্তু একে সময়তে নিত্যানন্দই কয় যে, যদি কাৰোবাৰ ভাৰতত থকাৰ সময়ত অসুস্থতাৰ বাবে বা যথাযথ কিবা কাৰণত দীঘলীয়া হৈছে, তেনে ক্ষেত্ৰত সেইসকলৰ কথা বিবেচনা কৰা হ’ব।
