পূব লাডাখৰ উত্তেজনা এতিয়াও শেষ হোৱা নাই। ইয়াৰ মাজতে উত্তৰাখণ্ডৰ চীন সীমান্তৰ সমীপত ভাৰত আৰু আমেৰিকান সেনাই যৌথ অনুশীলন আৰম্ভ কৰিছে। আৰু সেই বিষয়ত ক্ষুব্ধ হৈছে ছি জিনপিং চৰকাৰ।
উল্লেখ্য, চলিত মাহৰ আৰম্ভণিতে চীনে উত্তৰাখণ্ডৰ পাহাৰত ভাৰত-আমেৰিকাৰ যৌথ সামৰিক অনুশীলনত আপত্তি দৰ্শাইছিল। কিন্তু এইবাৰ বেইজিঙৰ হেঁচা সত্ত্বেও কেন্দ্ৰই নিজৰ সিদ্ধান্তত দৃঢ়তা অৱলম্বন কৰিছে। বৈদেশিক পৰিক্ৰমা মন্ত্ৰালয়ৰ সূত্ৰ অনুসৰি আউলীৰ অৱস্থান প্ৰকৃত নিয়ন্ত্ৰণ ৰেখাৰ পৰা প্ৰায় ১০০ কিলোমিটাৰ দূৰত। ফলত দ্বিপাক্ষিক সীমান্ত নিষ্পত্তিৰ প্ৰটʼকল উলংঘা কৰাৰ অভিযোগ ভিত্তিহীন।
উল্লেখ্য, বিগত দুটা দশক ধৰি হিমালয়ৰ দুৰ্গম প্ৰাকৃতিক পৰিৱেশত ভাৰতীয় আৰু আমেৰিকান সেনাই ‘যুদ্ধ অনুশীলনʼত অংশগ্ৰহণ কৰি আহিছে। এই পৰিস্থিতি বৃহস্পতিবাৰে নিশা পুনৰ বিৰোধ উত্থাপন কৰে বেইজিঙে। দেশখনৰ প্ৰতিৰক্ষা বিভাগৰ মুখপাত্ৰ জ্যেষ্ঠ কৰ্ণেল টান কেফেইয়ে কয়,”ভাৰত-চীন সীমান্ত বিষয়ত তৃতীয় পক্ষৰ হস্তক্ষেপ আমি সহ্য নকৰো।
আমি এই পদক্ষেপৰ তীব্ৰ বিৰোধিতা কৰিছো (যৌথ অনুশীলন)।” সামৰিক বিশ্লেষকৰ এটা অংশই অনুভৱ কৰে যে দক্ষিণ চীন সাগৰত আমেৰিকা-জাপান-অষ্ট্ৰেলিয়াৰ যৌথ নৌসেনা অনুশীলনৰ পিছত ভাৰত আৰু আমেৰিকান বাহিনীয়ে হাত মিলাই কাম কৰিবলৈ আৰম্ভ কৰা ধৰণটোৰ কাৰণে চাপ বৃদ্ধি পাইছে বেইজিঙৰ ওপৰত।
নতুন দিল্লী-বেইজিং আলোচনাৰ পৰিপ্ৰেক্ষিতত সীমান্তত শান্তি আৰু স্থিতিশীলতা বজাই ৰাখিবলৈ ১৯৯৩ আৰু ১৯৯৬ চনত দুখন চুক্তি স্বাক্ষৰিত হৈছিল। দুয়োখন দেশতে কেইবাবাৰো প্ৰটʼকল ভংগ কৰাৰ অভিযোগ উত্থাপন হৈছে।
