ৰাষ্ট্ৰপতিৰ ভাষণত (President’s Address) ধন্যবাদ জ্ঞাপনক লৈ বিতৰ্কত আদানীৰ সৈতে তেওঁৰ সম্পৰ্কক লৈ বিৰোধীয়ে প্ৰশ্ন উত্থাপন কৰে। বুধবাৰে এই বিষয়ত বিৰোধীক কি কয় সকলোৱে অপেক্ষাত আছিল। এই সকলোবোৰৰ মাজতে প্ৰধানমন্ত্ৰীয়ে )Prime Minisert) অভিজাত্যপূৰ্ণ কাপোৰ পিন্ধি সংসদলৈ আহি সকলোকে আচৰিত কৰি তোলে।
বুধবাৰে নৰেন্দ্ৰ মোদীক নীলা জেকেট পিন্ধি সংসদত উপস্থিত হোৱা দেখা গʼল। পোছাক দেখাত আড়ম্বৰপূৰ্ণ যেন নালাগিব পাৰে যদিও আচল আচৰিত কথাটো ইয়াৰ সামগ্ৰীত নিহিত হৈ আছে। জানিব পৰা মতে, প্ৰধানমন্ত্ৰীৰ আকাশী নীলা জেকেটটো পুনঃব্যৱহৃত প্লাষ্টিকৰ।
সোমবাৰে বেংগালুৰুত ভাৰত শক্তি সপ্তাহৰ কাৰ্যসূচী উদ্বোধন কৰে মোদীয়ে। জি-২০ গ্ৰুপৰ দেশৰ ৰাষ্ট্ৰপতিৰ দায়িত্ব লোৱাৰ পিছত ভাৰতে প্ৰথমবাৰৰ বাবে এনে কাৰ্যসূচী হাতত লৈছে। ভাৰতে কাৰ্বন নিৰ্গমন শূন্যলৈ হ্ৰাস কৰাৰ লক্ষ্যৰে শক্তি পুনঃব্যৱহাৰৰ ক্ষেত্ৰত বিশ্বৰ আগশাৰীৰ লক্ষ্য লৈছে। ইয়াৰ অংশ হিচাপে প্ৰধানমন্ত্ৰীয়ে পুনৰ ব্যৱহাৰযোগ্য প্লাষ্টিকৰ জেকেট পিন্ধি আনকো সজাগ কৰিব বিচাৰিছে।
চৰকাৰী তেল কোম্পানী ইণ্ডিয়ান অইলে একক ব্যৱহাৰৰ (single used) প্লাষ্টিকৰ ব্যৱহাৰ ৰোধ কৰিবলৈ কৰ্মচাৰীসকলক পুনঃব্যৱহৃত প্লাষ্টিক আৰু পাটেৰে নিৰ্মিত কাপোৰ পিন্ধিবলৈ আহ্বান জনায়।
