তুৰস্ক (Turkey) আৰু ছিৰিয়াত (Syria) ভয়ংকৰ ভূমিকম্পৰ (Earthquake) প্ৰভাৱ এতিয়াও মাৰ যোৱা নাই। তাৰ মাজতে এইবাৰ কঁপি উঠিল ছিকিম (Sikkim)। সোমবাৰে পুৱা প্ৰায় ৪.১৫ বজাত ছিকিমৰ যুকছাম চহৰত অনুভূত হয় এই কম্পন। ৰিখটাৰ স্কেলত এই ভূমিকম্পৰ প্ৰাবল্য আছিল ৪.৩।
ভূমিকম্পৰ উৎপত্তি ১০ কিলোমিটাৰ তলত আছিল। ইউকছাম চহৰৰ পৰা ৭০ কিলোমিটাৰ উত্তৰ-পশ্চিমে সংঘটিত হয় এই ভূমিকম্প। এটা বৃহৎ অঞ্চল কঁপি উঠে ভূমিকম্পৰ ফলত। ছিকিমৰ ৰাজধানী গেংটকৰ (Gangtok) পৰা ১২০ কিলোমিটাৰ দূৰত্বত যুকছাম চহৰ। প্ৰশাসনৰ মতে, ভূমিকম্পত বিশেষ ক্ষতি বা প্ৰাণ হেৰুৱাবলগীয়া হোৱা নাই।
অৱশ্যে সমগ্ৰ অঞ্চলটোত কোনো ধৰণৰ ক্ষতি হৈছেনে নাই সেয়া নিৰীক্ষণ কৰা হʼব। ইফালে ভূমিকম্প অনুভৱ কৰাৰ লগে লগে সাধাৰণ মানুহ আতংকিত হৈ পৰে। ভূমিকম্পৰ খবৰ পাই আতংকিত হৈ পৰে পৰ্যটকসকলো। ইয়াৰ পূৰ্বে দেওবাৰে বিয়লি অসমৰ নগাঁৱত মৃদু কঁম্পনৰ সৃষ্টি হৈছিল। ৰিখটাৰ স্কেলত এই ভূমিকম্পৰ প্ৰাবল্য আছিল ৪।
