শ্বাহৰুখ খানৰ (Shah Rukh Khan) ব্লকবাষ্টাৰ হিট ছবি ‘পাঠান’। সিদ্ধাৰ্থ আনন্দৰ ছবিখনে (Film) বক্স অফিচ (Box Office) এতিয়াও কঁপাই আছে। তাৰ মাজতে স্বাভাৱিকতে কিং খানৰ আগন্তুক ছবি ‘জৱানʼ (Jawan)লৈ দৰ্শকে আগ্ৰহেৰে বাট চাই আছে। শুনা গৈছে যে দক্ষিণৰ ছুপাৰষ্টাৰ আল্লু অৰ্জুনক (Allu Arjun) ছবিখনত কেমিঅʼ ৰোলৰ প্ৰস্তাৱ দিয়া হৈছে।
কিন্তু এই সন্দৰ্ভত ছবি নির্মাতাই কি কয়? যদি আল্লু অৰ্জুনে সন্মতি দিয়ে তেন্তে এইবাৰ প্ৰথমবাৰৰ বাবে শ্বাহৰুখ আৰু আল্লু অৰ্জুনে একেলগে কাম কৰা দেখা যাব।
‘জৱান’ ছবিত শ্বাহৰুখক লগ কৰিব আল্লু অৰ্জুনে?
চলিত বৰ্ষত মুক্তি পোৱাৰ কথা আছে কিং খানৰ তিনিখন ছবি। তাৰ ভিতৰত ‘পাঠান’ মুক্তি লাভ কৰিছিল জানুৱাৰী মাহত। এই ছবিখনে বক্স অফিচত বিপুল সফলতা লাভ কৰিছে। এতিয়া তেওঁ ‘জৱান’ত ব্যস্ত। দক্ষিণৰ পৰিচালক আটলীৰ পৰিচালনাত নিৰ্মিত এই ছবিখনত কিং খানৰ সৈতে নয়নতৰা আৰু বিজয় ছেঠুপাঠীকো দেখা যাব।
শেহতীয়াকৈ শুনা গৈছিল যে ছাউথৰ তাৰকা আল্লু অৰ্জুনক ‘জৱান’ ছবিত বিশেষ চৰিত্ৰৰ প্ৰস্তাৱ দিয়া হৈছিল। স্বাভাৱিকতে তাৰকা দুগৰাকীৰ অনুৰাগী উত্তেজিত হৈ পৰিছিল। কিন্তু সেই উত্তেজনাত পানী পৰিল!
শেহতীয়া খবৰ অনুসৰি, এই ভূমিকাৰ বাবে আল্লু অৰ্জুনে নাকচ কৰিছে। ঘনিষ্ঠ সূত্ৰৰ মতে, আল্লু অৰ্জুনক এই চৰিত্ৰটোৰ বাবে যোগাযোগ কৰা হৈছিল যদিও তেওঁৰ ব্যস্ততাৰ বাবে তেওঁ এই প্ৰস্তাৱ নাকচ কৰে। শুনা গৈছে যে আল্লু অৰ্জুন বৰ্তমান অতি ব্যস্ত আৰু তেওঁৰ ‘পুষ্পা : দ্য ৰুলʼৰ বাবে সাজু হৈছে। ছবিখনৰ শ্বুটিং চলি আছে। তাৰ লগতে তেওঁ আৰু দুখন ডাঙৰ ছবিৰ শ্বুটিং সম্পূৰ্ণ কৰিব লাগিব বুলিও খবৰ। সূত্ৰ অনুসৰি, তেওঁ ‘জৱানʼৰ চৰিত্ৰটোৰ বিষয়ে কিছু সময় চিন্তা কৰিছিল যদিও সময়ৰ অভাৱত প্ৰস্তাৱটো ঘূৰাই দিয়ে। ফলত এই খবৰে হাজাৰ হাজাৰ অনুৰাগীৰ হৃদয় ভাঙি পেলায়।
ভাইৰেল শ্বাহৰুখৰ ‘জৱান’ লুক
আনহাতে, ‘পাঠান’ ছবিখনৰ সফলতাৰ পিছত কিং খানে পৰৱৰ্তী ছবিখনৰ শ্বুটিঙত নিজৰ দৃষ্টি নিবদ্ধ কৰিছে। চলি আছে ‘জৱানʼৰ শ্বুটিং। গোটেই মুখত বেণ্ডেজ লগোৱা পোষ্টাৰ আগতেই উন্মোচিত হৈছিল। কিছুদিন পূৰ্বে সেই লুকত শ্বুটিং চেটৰ পৰা অভিনেতাজনৰ এখন ছবি ভাইৰেল হৈছিল। ছবিখনত শ্বাহৰুখ খানৰ সমগ্ৰ মুখখন বেণ্ডেজেৰে ঢাকি থোৱা আছে। চকু মেলি, চুলি দীঘল ‘লুকছ’ ওলাইছে।
ছবিখন ভাইৰেল হোৱাৰ লগে লগে অনুৰাগীৰ কমেন্টৰ বন্যা বৈ গৈছে। সকলোৱে উত্তেজিত হৈ পৰিছে। এজন নেটিজেনে মন্তব্য কৰে, ‘কিং এতিয়া ৰৈ নাথাকিব। তেওঁ শ্ৰেষ্ঠ।’
আন এজনে লিখিছে, ‘বাহ পাঠান… এতিয়া জৱান।’
