গোলাঘাট (Golaghat) জিলাৰ উপায়ুক্ত (DC)য়ে গঠন কৰি দিয়া বলৱৎকাৰী স্কোৱাড (Squad)ৰ দ্বাৰা আজি বোকাখাতৰ কেইবাখনো বস্ত্ৰ বিপনীত (Textile Shops) চলিল বিদ্যুৎচালিত তাঁতশালত উৎপাদিত গামোচা, মেখেলা চাদৰ (Gamosa, Mekhela Chad) আদিৰ আমদানি আৰু বিক্ৰীৰ বিৰুদ্ধে মহকুমা প্ৰশাসনৰ অভিযান।
বোকাখাত মহকুমাৰ দণ্ডাধীশ ৰিচিবন্দনা গগৈৰ নেতৃত্বত হস্ততাঁত বস্ত্ৰশিল্প বিভাগ, ৰেচম বিভাগ, উদ্যোগ আৰু বাণিজ্য বিভাগ, আৰক্ষীকে ধৰি বহুকেইটা বিভাগৰ যুটীয়া অভিযান চলে বোকাখাতৰ কেইবাখনো বস্ত্ৰ বিপনীত।
এই অভিযানৰ উদ্দেশ্য হৈছে পৰম্পৰাগত বয়ন উদ্যোগৰ বিষয়ে সজাগতা বৃদ্ধি কৰা আৰু বিদ্যুৎচালিত তাঁতশালত উৎপাদিত সামগ্ৰীৰ ব্যৱহাৰ নিৰুৎসাহিত কৰা।
