এগৰাকী সফল চিকিৎসক হোৱাৰ সপোনলৈ বোকাজানৰ পৰা ডিফু চিকিৎসা মহাবিদ্যালয়ৰ (Diphu Medical College) এগৰাকী প্ৰথম বৰ্ষৰ ছাত্ৰই (First year student) পৰীক্ষাত অসফল (Failed in exam) হৈ আজি আত্মহত্যাৰ (suicide) দৰে চৰম পন্থা বাছি লোৱা কাৰ্যই পাৰ্বত্য জিলাখনত তীব্ৰ চাঞ্চল্যৰ সৃষ্টি কৰিছে৷ চিকিৎসা বিজ্ঞানৰ প্ৰথমটো পৰীক্ষাত অসফলহৈ চিকিৎসা মহাবিদ্যালয়খনৰ প্ৰথম বৰ্ষৰ ছাত্ৰ কমল ব্ৰহ্ম (Kamal Brahma)ই আত্মহত্যা কৰে ৷ ছাত্ৰগৰাকীয়ে চিকিৎসা মহাবিদ্যালয়খনৰ ছাত্ৰাৱাসত চিপজৰীলৈ আত্মহত্যা কৰে ৷
ডিফু চিকিৎসা মহাবিদ্যালয়ৰ অধ্যক্ষ্যা সুমিত্ৰা হাগজেৰে সংবাদ মাধ্যমৰ আগত প্ৰকাশ কৰে যে, ছাত্ৰগৰাকীৰ চিকিৎসা বিজ্ঞানৰ প্ৰথম বৰ্ষৰ প্ৰথমটো পৰীক্ষাত অৱতীৰ্ণ হৈছিল আৰু তিনিওটা বিষয়তে ছাত্ৰজন অনুতীৰ্ণ হৈছিল৷ ছাত্ৰগৰাকীয়ে এই সম্পৰ্কে চিকিৎসা মহাবিদ্যালয়খনৰ অধ্যাপকসকলৰ সৈতে মত-বিনিময় কৰিছিল আৰু অধ্যাপকসকলে ছাত্ৰজনক সকলো প্ৰকাৰৰ সহায়-সহযোগৰ আশ্বাস প্ৰদান কৰিছিল৷
ইয়াৰ পিছতেই ছাত্ৰগৰাকী আৱাসলৈ যায় আৰু বহু দেৰিলৈকে ছাত্ৰাৱাসৰ পৰা ওলাই নহাত ছাত্ৰ জনৰ সহপাঠীয়ে বিচাৰ-খোচাৰ কৰাত ছাত্ৰজন চীপজৰী লৈ থকাৰ অৱস্থাত উদ্ধাৰ কৰে৷ ঘটনা সম্পৰ্কে আৰক্ষীক অৱগত কৰা হয় আৰু আৰক্ষীয়ে মৃতদেহটো কাৰ্যবাহী দণ্ডাধীশৰ হতুৱাই চুৰৎহাল কৰি মৰণোত্তৰ পৰীক্ষাৰ কৰাৰ ব্যৱস্থা গ্ৰহণ কৰে ৷
আনহাতে উক্ত ঘটনাৰ পিছত ডিফু চিকিৎসা মহাবিদ্যালয়ৰ ছাত্ৰাৱাসত এক শোকাকুল পৰিৱেশৰ সৃষ্টি হৈছে ৷ এই সন্দৰ্ভত স্থানীয় আৰক্ষীৰ মতামত বিচৰাত সাংবাদিকৰ আগত আৰক্ষীয়ে কোনোধৰণৰ মতামত দিয়াৰ পৰা বিৰত থকা পৰিলক্ষিত হয় ৷
