বৃহস্পতিবাৰে নগাঁও জিলাৰ কচুৱা আৰক্ষী থানাৰ অন্তৰ্গত বৰবিল গণেশপুৰত কেৱল মাত্ৰ ৫০০ টকাৰ বাবে সংঘটিত হৈছে এক জঘণ্য কাণ্ড। নিজ পুত্ৰ-বোৱাৰীয়ে ৫০০ টকাৰ বাবে নিৰ্যাতন চলাই থকা এগৰাকী বৃদ্ধাৰ আজি অকাল মৃত্যু ঘটে।
খবৰ অনুসৰি, বৰবিল গণেশপুৰৰ শ্ৰীমন্ত বসুমতাৰী আৰু তেওঁৰ পত্নীয়ে বৃদ্ধ পিতৃ গৰাকীৰ ওপৰত ৫০০ টকা চুৰি কৰাৰ অভিযোগ উত্থাপন কৰি লাখুঁটিৰে প্ৰহাৰ কৰি তেখেতক গুৰুত্বৰভাৱে আহত কৰে। কিন্তু নিশা পুত্ৰ-বোৱাৰীৰ এই অমানুষিক অত্যাচাৰৰ বিৰুদ্ধে ৰোহিনী বড়োৱে মাত মতাত পুত্ৰ-বোৱাৰীৰ সহ্য নহ’ল সেই কথা। ফলশ্ৰুতিত, পুত্ৰ শ্ৰীমন্ত বসুমতাৰীয়ে চিপ্ৰাং এখনেৰে তেওঁক উপৰ্যুপৰি প্ৰহাৰ কৰে।
পৰৱৰ্তী সময়ত, বৃদ্ধাগৰাকীক ভোগেশ্বৰী ফুকননী অসামৰিক চিকিৎসালয়ত ভৰ্তি কৰোৱা হয় যদিও বৃদ্ধাগৰাকীয়ে মৃত্যুক আঁকোৱালি লয়। এই ঘটনাৰ কচুৱা আৰক্ষী থানাৰ ভাৰপ্ৰাপ্ত বিষয়া আনন্দ মেধিয়ে মোবাইল ট্ৰেকিঙৰ জৰিয়তে পলাতক শ্ৰীমন্ত বসুমতাৰী আটক কৰে আৰু তদন্ত অব্যাহত ৰাখিছে।
