আমিৰ খানৰ (Amir Khan) জন্মদিন। আজি ১৪ মাৰ্চত তেওঁৰ বয়স ৫৭ বছৰ। প্ৰতি বছৰে এই দিনটোৰ বাবে অপেক্ষা কৰে ‘মি: পাৰফেক্সনিষ্ট’ (Mr. Perfectionist)। এইবাৰ ইয়াৰ ব্যতিক্ৰম। খবৰ অনুযায়ী, তেওঁ জন্মদিন পালন নকৰে।
বলীউডতো শুনা গৈছে যে ‘লাল সিং চাদা’ (Lal Singh Chaddha) ৰ ব্যৰ্থতাই তেওঁক এতিয়াও খেদি ফুৰিছে। তেওঁ একো পাহৰিব পৰা নাই। যাৰ বাবেই চাগে এইবাৰৰ জন্মদিন উদযাপনহীন। উদযাপনৰ পৰা আঁতৰি থাকিবলৈ তেওঁ চহৰৰ বাহিৰলৈ যোৱাৰ কথাও জনা যায়। জন্মদিনৰ পিছত ঘূৰি আহিব।
প্ৰতি বছৰে ১৪ মাৰ্চৰ ছবিখন বেলেগ হয়। আমিৰে নিজৰ জন্মদিনটো ঘনিষ্ঠ মানুহৰ লগত উদযাপন কৰি ভালপায়। মাতৃৰ ৰন্ধা খাই ভালপায়। আজিৰ দিনটোত তেওঁ কৰ্মৰ পৰা ছুটী লয়। মাকৰ ওচৰলৈ গৈ খোৱা-লোৱা কৰি ঘৰলৈ উভতি আহে।
তাৰ পিছত কেক কটাৰ পৰ্যায়। আজিৰ দিনটোতে অভিনেতাগৰাকীয়ে সকলোৰে লগত দেখা কৰে। কেক কাটি তেওঁ নিজ হাতেৰে সকলোকে কেক পৰিবেশনো কৰে। সেই সকলোবোৰ এই বছৰ বন্ধ।
