ষ্টাফ ৰিপ’ৰ্টাৰ,ডিফু:কাৰ্বি আংলং জিলা লেখিকা সমাৰোহৰ (Lekhika Samaroh) তৃতীয় দ্বিবাৰ্ষিক অধিৱেশন এদিনীয়া কাৰ্যসূচীৰে ডিফুস্থিত মুখ্য কাৰ্য্যালয় মামণি ৰয়ছম ভৱনত অনুষ্ঠিত হৈ যায়। জিলা লেখিকা সমাৰোহৰ সভানেত্ৰী সাৱিত্ৰী গগৈৰ সভাপতিত্বত হোৱা মুকলি সভাত মুখ্য অতিথিৰূপে উপস্থিত থাকে সদৌ অসম লেখিকা সমাৰোহৰ সমতিৰ সভানেত্ৰী সুৱৰ্ণ শইকীয়া বৰদলৈ।
লেখিকা সমাৰোহৰ সাধাৰণ সম্পাদিকা সুৱৰ্ণ মহন্ত জিলা লেখিকা সমাৰোহৰ উপদেষ্টা প্ৰেমদা দত্তকে আদি কৰি বহু গণ্যমান্য ব্যক্তিয়ে এই সভাত উপস্থিত থাকে। ডিফুৰ ৰেণু তেৰাংপী সোঁৱৰণী মহাবিদ্যালয়ৰৰ অধ্যক্ষ ডঃ অজন্তা চুতীয়াই সমাৰোহৰ মুখপত্ৰ জোক উন্মোচন কৰে। ডঃ চুতীয়াই ভাষণ প্ৰদান কৰি আজিৰ প্ৰজন্মৰ ছাত্ৰ-ছাত্ৰীৰ ৮০ শতাংশই কিতাপ পঢ়া বাদ দিয়া বুলি আক্ষেপ কৰে।
ভৱিষ্যত প্ৰজন্মই ভাষা-সংস্কৃতি ৰক্ষাৰ ক্ষেত্ৰতো সন্দেহ প্ৰকাশ কৰে চুতীয়াই। ভাষা-সংস্কৃতিৰ-সাহিত্যৰ অধ্যয়ন নাথাকিলে জাতিৰ উন্নতি নহ’ব বুলিও মত প্ৰকাশ কৰে অধ্যাপিকা গৰাকীয়ে। নিজ নিজ সন্তানক অসমীয়া ভাষা-সংস্কৃতি অধ্যয়নৰ ক্ষেত্ৰত উৎসাহ যোগাবলৈ তেওঁ সকলোকে আহ্বান জনায় ৷
