হেঁপাহৰ ৰঙালী(Rongali Bihu) বিহু উপলক্ষে আজি পাহাৰীয়া জিলাৰ সদৰ চহৰ ডিফুত ৩০ সংখ্যক বেচিক ক’লনি বিহু উদযাপন সমিতিৰ উদ্যোগত ডিফু চৰকাৰী বালক উচ্চতৰ মাধ্যমিক বিদ্যালয়ৰ খেল পথাৰত সমূহীয়া গৰু গা ধোওৱা পৰ্ব উদযাপন কৰা হয় ৷
এই উপলক্ষে পুৱাৰ ভাগত নামঘৰত এগছি চাকি প্ৰজ্বলন কৰাৰ পিছত ৩০ সংখ্যক ডিফু বেচিক ক’লনিৰ বিহু উদযাপন সমিতিৰ সভাপতি মুনিন্দ্ৰ নাথ তালুকদাৰক যমিতিৰ নিয়ম অনুসৰি ডিফু চৰকাৰী বালক উচ্চতৰ মাধ্যমিক বিদ্যালঞৰ খেল পথাৰলৈ সমিতিৰ বিষয়ববীয়া সকলে আদৰি আনে ৷ তাত সভাপতি মুনিন্দ্ৰ নাথ তালুকদাৰে পতাকা উত্তোলনৰ পিছতে কাৰবি আংলং স্বায়ত্তশাসিত পৰিষদৰ প্ৰাক্তন ইএএম ৰতন টেৰণ সমূহীয়া গৰু গা-ধোওৱা কাৰ্যসূচীৰ শুভাৰম্ভ কৰে ৷
বিহুবলীয়া ৰাইজে গৰুৰ গাত মাহ, হালধি, মাখিয়তি পাত, আদি ছটিয়াই, ‘লাউ খা, বেঙেনা খা , মাৰ সৰু বাপেৰ সৰু তই হবি বৰ গৰু ‘ বুলি আওৰাই বিহুৰ পৰাম্পৰা ৰক্ষা কৰে ৷ ইয়াৰ পুৰ্বে গৰুৰ গৰাকী সকলক একোখনকৈ ফুলাম গামোছাৰে সমিতিয়ে সম্বৰ্ধনা জ্ঞাপন কৰে ৷
