ক্ৰমাগতভাৱে বোকাখাতত (Bokakhat) বাঢ়ি অহা পথ দুৰ্ঘটনা দুঃচিন্তাৰ কাৰণ হৈ উঠিছে। বহাগৰ প্ৰথম দিনটোতে বোকাখাতৰ সমীপৰ গড়মূৰত শোকাবহ পথ দুৰ্ঘটনাত (Road Accident) ২ যুৱকৰ মৃত্যুয়ে স্তব্ধ কৰিছে বোকাখাতবাসীক।
বিহুৰ আনন্দত ৰাজ্যবাসী মতলীয়া হৈ থকাৰ সময়তে AS0 5S 8851 নম্বৰৰ বাইকেৰে দুই যুৱক আৰোহীয়ে ৩৭ নং ৰাষ্ট্ৰীয় ঘাইপথেৰে আহি পথৰ কাষত থকা খুটাত খুন্দা মৰাৰ ফলত এজন থিতাতে নিহত হয় আৰু আনজনক লগে লগে বোকাখাতৰ শ্বহীদ কমলা মিৰি অসামৰিক চিকিৎসালয়লৈ লৈ যোৱা হয় যদিও চিকিৎসালয়ত মৃত্যু হয়। এজন বোকাখাত বাগিছাৰ আকাশ মুণ্ডা আৰু আনজন গড়মূৰৰ মণ্টু ৰবিদাস বুলি জানিব পৰা গৈছে।
