The Kerala Story I ‘দ্য কেৰালা ষ্ট্ৰৰী’ চাবলৈ যুৱতীসকলক মেছেজ দি মাৰ খালে‌ যুৱকে

‘দ্য কেৰালা ষ্ট’ৰী’ (The Kerala Story) চাবলৈ অনুৰোধ কৰি বিপদত যুৱক। নিজৰৰ হোৱাটছএপ একাউণ্টত ষ্টেটাছ দিছিল যুৱকজনে। অভিযোগ অনুসৰি, তাৰ বাবেই তেওঁ মাৰ খাবলগীয়া হয়।

ঘটনাটো ৰাজস্থানৰ (Rajasthan)। আক্ৰান্ত যুৱকজন বিশ্ব হিন্দু পৰিষদৰ সদস্য। তিনিজন যুৱকৰ বিৰুদ্ধে তেওঁ থানাত লিখিত এজাহাৰ দাখিল কৰে। তেওঁৰ অভিযোগৰ ভিত্তিত আৰক্ষীয়ে এজনক গ্ৰেপ্তাৰ কৰে। কিন্তু বাকীকেইজন সন্ধানহীন হৈ আছে।যুৱকজনে কয় যে তেওঁ ‘দ্য কেৰালা ষ্ট’ৰী’ চিনেমাখনৰ বিষয়ে নিজৰ ব্যক্তিগত মতামত এটা হোৱাটছএপ ষ্টেটাছত প্ৰকাশ কৰিছিল।

তেওঁ যুৱতীসকলক এই ছবিখন চাবলৈ আহ্বান জনায়। ইয়াৰ পিছত তেওঁক মাৰপিট আৰু হাৰাশাস্তি কৰা হয়। দুষ্কৃতিকাৰীয়ে যুৱকজনক মৃত্যুৰ ভাবুকিও দিয়াৰ অভিযোগ।ঘটনা সন্দৰ্ভত সহকাৰী আৰক্ষী আয়ুক্ত ডেৰাৱাৰ সিঙে কয়, “শনিবাৰে নিশা ঘৰলৈ উভতি আহোঁতে তিনিজন যুৱকে তেওঁক বাটত আগছি ধৰা বুলি আৰক্ষীক জনাইছিল। যুৱকজনক নিজৰ সমাজক অপমান কৰাৰ অভিযোগ উত্থাপন কৰি মাৰপিট কৰে।

তদন্ত চলি আছে।”উল্লেখযোগ্য যে যোৱা ৫ মে’ত মুক্তি লাভ কৰে ‘দ্য কেৰালা ষ্ট’ৰী’য়ে। আদা শৰ্মা অভিনীত ছবিখনে ইতিমধ্যে বহু বিতৰ্কৰ সৃষ্টি কৰিছে। ছবিখনত কেৰালাৰ হিন্দু আৰু খ্ৰীষ্টান ছোৱালীক বলপূৰ্বক ধৰ্মান্তৰিত কৰি উগ্ৰপন্থী সংগঠনত যোগদান কৰা দেখা গৈছে। শেহতীয়াকৈ দেশৰ ৰাজনৈতিক পৰিস্থিতিত চিত্ৰনাট্যই বিতৰ্কৰ সৃষ্টি কৰিছে। ৰাজনীতিবিদৰ এটা অংশই অভিযোগ কৰে যে এই ছবিখনত যি দেখুওৱা হৈছে সেয়া মিছা আৰু ভিত্তিহীন।

সাধাৰণ নাগৰিকৰ মাজত মুছলমান বিদ্বেষৰ সৃষ্টি কৰিবলৈ ইচ্ছাকৃতভাৱে এই ছবিখন সৃষ্টি কৰা হৈছিল। পুনৰ বিজেপিয়ে ‘কেৰালা কাহিনী’ক সমৰ্থন কৰে। এই ছবিখন মধ্যপ্ৰদেশত কৰমুক্ত ঘোষণা কৰা হয়।