ভাৰতীয় বায়ুসেনা (Indian Air Force)ৰ যুদ্ধ বিমান দুৰ্ঘটনা (War plane crash)ত নিহত হয় দুই সাধাৰণ নাগৰিক (Two civilians killed)। সোমবাৰে পুৱা ৰাজস্থানৰ হনুমানগড়ত (Hanumangarh in Rajasthan) সংঘটিত হয় এই ঘটনা। প্ৰশিক্ষণ অনুশীলনৰ সময়ত মিগ-২১ (Mig-21) যুদ্ধ বিমান দুৰ্ঘটনাগ্ৰস্ত হৈ দুগৰাকী মহিলাৰ মৃত্যু হয়। আহত হয় এজন পুৰুষো। অৱশ্যে আৰক্ষীৰ সূত্ৰ অনুসৰি, দুৰ্ঘটনাগ্ৰস্ত বায়ুসেনাৰ বিমানখনৰ পাইলট নিৰাপদ। দুৰ্ঘটনাগ্ৰস্ত বিমানখনৰ পৰা উলিয়াই আনি চিকিৎসালয়লৈ লৈ যোৱা হয় তেওঁক।
সোমবাৰে পুৱা এই অনুশীলনৰ বাবে ৰাজস্থানৰ চুৰাটগড়ৰ পৰা উৰা মাৰে বায়ুসেনাৰ যুদ্ধ বিমানখন। হনুমানগড়ৰ আৰক্ষী অধীক্ষক সুধীৰ চৌধুৰীয়ে জনোৱা মতে, এই ঘটনা সংঘটিত হৈছে বাহলোলনগৰত। মিগ-২১ৰ প্ৰশিক্ষণৰ অন্তিম পৰ্যায়ত আছিল। হঠাৎ বাহলোলনগৰৰ এটা ঘৰৰ চাদত ভাঙি পৰে বিমানখন। প্ৰায় লগে লগে ছাদখন ভাঙি ঘৰটোত বাস কৰা দুগৰাকী মহিলাৰ মৃত্যু হয়। পৰিয়ালটোৰ এজন পুৰুষ সদস্যও গুৰুতৰভাৱে আহত হয়।
ইতিমধ্যে ভাৰতীয় বায়ুসেনাই এই ঘটনাৰ তদন্তৰ নিৰ্দেশ দিছে। হঠাৎ বিমানখন কেনেকৈ ভূপতিত হ’ল তাৰ তদন্ত চলি আছে। ইয়াৰ পূৰ্বে জানুৱাৰী মাহতো বায়ুসেনাৰ চুখয়-৩০ আৰু মিৰাজ ২০০০ৰ দুখন যুদ্ধ বিমান প্ৰশিক্ষণৰ সময়ত দুৰ্ঘটনাগ্ৰস্ত হৈছিল। এটা মধ্যপ্ৰদেশৰ মৰেনাত আৰু আনটো ৰাজস্থানৰ ভাৰতপুৰত। উক্ত দুৰ্ঘটনাত এজন পাইলটৰো মৃত্যু হয়।
