অবৈধ ড্ৰাগছৰ(Drugs) বিৰুদ্ধে অসম আৰক্ষীয়ে আজি লাভ কৰিছে এক বৃহৎ সফলতা৷ প্ৰাপ্ত খবৰ অনুসৰি আজি এটা গোপন তথ্যৰ ভিত্তিত কাৰবি আংলং (Karbi Anglong) জিলা আৰক্ষী অধীক্ষকৰ নেতৃত্বত এছডিপিঅ’ বোকাজানৰ নেতৃত্বত আৰু বকলীয়ঘাট থানা (Bokoliaghat Police station)ৰ অ’চি আৰু থানা ষ্টাফৰ সহযোগত এখন নাকা স্থাপন স্থাপন কৰা হয়৷
তালাচী কালত পঞ্জীয়ন নম্বৰ বিহীন এখন ছয়চকীয়া ট্ৰাকৰ পৰা ১.৭ কিলোগ্ৰাম ওজনৰ হেৰ’ইনৰ ১৩৬টা চাবোনৰ বাকচ উদ্ধাৰ (136 boxes of heroin recovered) কৰা হয় অভিযানকাৰী দলটোৱে ৷এই সন্দৰ্ভত দুটা সৰবৰাহকাৰীক আৰক্ষীয়ে গ্ৰেপ্তাৰ কৰিবলৈ সক্ষম হৈছে৷
ধৃত সৰবৰাহকাৰী দুটা ক্ৰমে, কাছাৰ জিলাৰ কাতিগৰা থানা এলেকাৰ গৰাগেম গাঁৱৰ আব্দুল ওৱাহাবৰ পুত্ৰ জালাল উদ্দিন (৪২) আৰু কৰিমগঞ্জ জিলীক বদৰপুৰ থানা এলেকাৰ মিৰছাপুৰ নিৱাসী ইক্ৰাম উদ্দিনৰ পুত্ক কহাৰ আহমেদ (২০)৷অধিক তথ্যৰ বাবে আৰক্ষীয়ে ধৃত সৰবৰাহকাৰী দুটাক জেৰা অব্যাহত ৰখা বুলি জানিব পৰা গৈছে৷
