সমগ্ৰ বিশ্বতে হঠাতে বন্ধ হৈ গʼল জনপ্ৰিয় ছচিয়েল মিডিয়া ইনষ্টাগ্ৰাম (Instagram goes down all over the world)। সোমবাৰে পুৱা ইনষ্টাগ্ৰাম ব্যৱহাৰ কৰাৰ সময়ত ব্যৱহাৰকাৰীয়ে সমস্যাৰ সন্মুখীন হয়।আন্তঃৰাষ্ট্ৰীয় সংবাদ সংস্থাৰ সূত্ৰ অনুসৰি, প্ৰায় এক লাখ ইনষ্টাগ্ৰাম ব্যৱহাৰকাৰী এই বিজুতিৰ ফলত প্ৰভাৱিত হয়। খবৰ পোৱা গৈছে যে ডাউন ডিটেক্টৰত ২ লাখৰো অধিক লোকে এই সমস্যাৰ খবৰ দিছে।
দুঘণ্টাৰ বিচ্ছিন্নতাৰ পিছত এতিয়া স্বাভাৱিক অৱস্থালৈ আহিছে ইনষ্টাগ্ৰাম (Instagram is back to normal now)। ইনষ্টাগ্ৰামৰ মূল কোম্পানী মেটাৰ এগৰাকী মুখপাত্ৰই কয় যে কাৰিকৰী সমস্যাৰ বাবে একাংশ ব্যৱহাৰকাৰীয়ে নিজৰ ইনষ্টাগ্ৰাম একাউণ্টত প্ৰৱেশ কৰিব পৰা নাছিল। কিন্তু সমস্যাটো ততাতৈয়াকৈ সমাধান কৰা হয়। কিন্তু ইনষ্টাগ্ৰাম ডাউন হৈ থকাৰ সময়ত ফেচবুক, হোৱাটছএপৰ দৰে অন্যান্য ছচিয়েল মিডিয়া প্লেটফৰ্মসমূহ স্বাভাৱিক হৈয়েই আছিল।
