ASSAM TIME POST
ডিফু : ডিফুত এগৰাকী নাবালিকা কিশোৰীৰ চীপলৈ আত্ম হত্যা কৰা ঘটনাত চাঞ্চল্যৰ সৃষ্টি হৈছে ৷ আৰক্ষীৰ সুত্ৰে জানিব পৰা অনুসৰি ডিফু ৰংমিৰ্দান নিবাসী অণুপ সৰকাৰৰ কণ্যা সোণালী সৰকাৰ ডিফু বীণা পাণি হাইস্কুলৰ কোনো এটা প্ৰতিযোগিতাত ভাগলৈ দ্বিতীয় পুৰষ্কাৰ লৈ ঘৰত আহে ৷ঘৰত ভাত পানী খাই নিজৰ পঢ়া কোঠালিত প্ৰৱেশ কৰে৷ বহু দেৰিলৈ ছোৱালী ওলাই অহা নেদেখি ছোৱালীজনীৰ মাতৃ সোণালী সৰকাৰৰ পঢ়া কোঠালিত প্ৰৱেষ কৰি নিজ কণ্যাক ওৰণা জাতীয় কাপোৰেৰে চিলিঙ ফেনৰ ওচৰৰ কাঠ এচটাত চীপলৈ ওলমি থকা প্ৰত্যক্ষ কৰে ৷ আজি ডিফু অসামৰিক চিকিৎসালয়ত সোণালী সৰকাৰৰ মৃতদেহৰ মৰণোত্তৰ পৰীক্ষা কৰি পৰিয়ালক চমজাই দিয়ে ৷ বাতৰি লিখা পৰলৈকে সোণালী সৰকাৰৰ আত্মহত্যাৰ কাৰণ জানিব পৰা হোৱা নাই ৷
