আজি ধেমাজিৰ পাণবাৰীত (Panbari of Dhemaji) অৰুণাচলী দুবৃত্তৰ গুলীত দুগৰাকী অসমীয়া লোক ক্ৰমে বগা চুতীয়া আৰু মণ্টু গগৈ নিহত (Two Assamese killed in arunachal miscreants) হয়। আনহাতে আন দুগৰাকী লোক গুৰুত্বৰভাৱে আঘাতপ্ৰাপ্ত (Two seriously injured) হয়। অসম-অৰুণাচল সীমান্তত সংঘটিত এই ঘটনাই সৰ্বত্ৰে চাঞ্চল্যৰ সৃষ্টি কৰিছে।
উক্ত ঘটনা সন্দৰ্ভত শেহতীয়াকৈ মুখ্যমন্ত্ৰী ড° হিমন্ত বিশ্ব শৰ্মাই টুইটযোগে নিজ প্ৰতিক্ৰিয়া ব্যক্ত কৰে। তেওঁ এই আক্ৰমণক মাটিৰ লোভত কৰা আক্ৰমণ বুলি মন্তব্য কৰে। লগতে, এই ঘটনা সন্দৰ্ভত আৰক্ষীয়ে তদন্ত কৰাৰ পিছত উপযুক্ত ব্যৱস্থা গ্ৰহণ কৰাৰ আশ্বাস প্ৰদান কৰে। তেওঁ লগতে কয় যে, বৰ্তমানলৈকে অসম-অৰুণাচলৰ সীমা বিবাদৰ নিষ্পত্তি হোৱা নাই।
ইয়াৰ সমান্তৰালকৈ, ৰাজ্যৰ বহুকেইগৰাকী মন্ত্ৰী-বিধায়কে এই বিষয়ত টুইট কৰে আৰু গৰিহণা দিয়ে। উল্লেখ্য যে, দুয়োখন ৰাজ্যৰ সীমা নিৰ্দ্ধাৰণৰ বাবে বহু বৈঠক অনুষ্ঠিত হোৱাৰ উপৰিও সমিতিও গঠন কৰা হৈছে।
