বৃহস্পতিবাৰে বৌদ্ধিক প্ৰথাৰে সম্পন্ন হৈছে ডিফু নগৰ সমিতিৰ প্ৰাক্তন অধ্যক্ষ গৌতম তেৰাঙৰ অন্তেষ্টিক্ৰিয়া (Gautam Terang’s funeral) ৷ ডিফু নগৰ সমিতি বৰ্তমান ডিফু পৌৰ পৰিষদৰ প্ৰাক্তন অধ্যক্ষ তথা কাৰ্বি আংলং ক্ৰীড়া সন্থাৰ জ্যেষ্ঠ উপ-সভাপতি গৌতম টেৰাঙে ৬৪ বছৰ বয়সত মঙলবাৰে সন্ধিয়া প্ৰায় ৭ বজাত হৃদযন্ত্ৰৰ ক্ৰিয়া বন্ধ (Cardiac arrest) হৈ ডিফু চিকিৎসা মহাবিদ্যালয় আৰৱ এ হাস্পাতালত শেষ নিশ্বাস ত্যাগ (Exhale the last) কৰে।
আজি ডিফু ৰাজহুৱা শ্মশান ঘাটত অনুষ্ঠিত হোৱা অন্তেষ্টিক্ৰিয়াত ডিফু বিধান সভাৰ বিধায়ক বিদ্যাছিং ইংলেঙ, কাৰবি আংলং স্বায়ত্তশাসিত পৰিষদৰ জ্যেষ্ঠ ইএম মঙলছিং তিমুঙ, কাৰবি আংলং ক্ৰীড়া সন্থাৰ সাধাৰণ সম্পাদক ডঃ পংকজ টেৰণ, জেচিচিপিএৰ আহ্বায়ক খৰছিং টেৰণ লগতে অজস্ৰ গুণমুগ্ধ আৰু শুভাকাংখী সকলে প্ৰয়াত গৌতম তেৰাঙক অন্তিম শ্ৰদ্ধাঞ্জলী জ্ঞাপন কৰে ৷
উল্লেখযোগ্যযে, প্ৰয়াত গৌতম তেৰাঙ প্ৰয়াত ছইছ’ই তেৰাং নিৰোলা টিচ’পীৰ পুত্ৰ আছিল ৷ প্ৰয়াত গৌতম তেৰাঙে পত্নী, প্ৰাক্তন অৱসৰপ্ৰাপ্ত এ চি এছ বিষয়া জয়শ্ৰী দাওলাগুপুৰ লগতে পুত্ৰ-কন্যাক ইহ সংসাৰত এৰি থৈ গৈছে । প্ৰয়াত তেৰাঙ এগৰাকী এগৰাকী বিশিষ্ট ক্ৰীড়া যংগঠকৰ লগতে ৰাজনীতিৰ লগত ওতঃপ্ৰোত ভাবে জড়িত থকাৰ বাবে বহু ক্ৰীড়া প্ৰেমী বিভিন্ন ৰাজনৈতিক দললৰ নেতা-কৰ্মী য়ে তেওঁৰ মৃত্যুত গভীৰ শোক প্ৰকাশ কৰাৰ লগতে তেওঁৰ প্ৰতি গভীৰ শ্ৰদ্ধাঞ্জলী নিবেদন কৰে ৷
পৰিয়ালৰ সূত্ৰই জনোৱা মতে, প্ৰয়াত তেৰাঙে শ্বিলঙৰ ছেইণ্ট এডমাণ্ডত স্কুলীয়া শিক্ষা আৰম্ভ কৰি পিছত ডিমাপুৰৰ এখন স্কুলত দশম শ্ৰেণীত যোগদান কৰে ৷ তাৰ পিছচত ডিফু চৰকাৰী মহাবিদ্যালয়ৰ পৰা উচ্চতৰ মাধ্যমিকৰ শিক্ষা গ্ৰহণ কৰে ৷ ১৯৯২ চনত গঠন হোৱা এভাৰেষ্ট ক্লাবৰ প্ৰতিষ্ঠাপক সভাপতি আৰু পৰিচালন সঞ্চালক হিচাপে থকা প্ৰয়াত তেৰাং বৃহত্তৰ ডিফু ক্ৰীড়া সন্থাৰ সভাপতিও আছিল।
প্ৰয়াত তেৰাং আছিল সংগীতপ্ৰেমী। তেওঁ আৰু তেওঁৰ সহযোগীসকলে “ৱাৰহেড” নামৰ এটা বেণ্ড গঠন কৰিছিল ৷ প্ৰয়াত তেৰাঙৰ প্ৰতি অন্তিম শ্ৰদ্ধাঞ্জলি নিবেদন কৰাৰ বাবে আজি পুৱাৰ পৰা দুপৰীয়া ১২ বজালৈ ডিফু চহৰ অৰ্ধ বন্ধ ঘোষণা কৰে গ্ৰেটাৰ ডিফু বজাৰ কমিটিয়ে৷
