ৰাজ্যখনত অত্যাৱশ্যকীয় দৈনন্দিন ব্যৱহাৰ হোৱা সামগ্ৰী অস্বাভাৱিক মূল্যবৃদ্ধিয়ে সাধাৰণ জনতাৰ প্ৰত্যক্ষভাৱে প্ৰভাৱ পৰাৰ সময়তে আকৌ বিদ্যুৎৰ মাচুল বৃদ্ধিয়ে সাধাৰণ গ্ৰাহকক চৰম অস্বস্তিত ৰাখিছে তেনে সময়তে কাৰবি আংলং জিলা কংগ্ৰেছ সমিতিয়ে আজি পুৱাৰ ভাগত অসম বিদ্যুত বিতৰণ কোম্পানী লমিটেডৰ সহ মহা প্ৰৱন্ধক আৰ উপ প্ৰৱন্ধকলৈ ডিফুস্থিত কাঞ্চ জো’নৰ মুখ্য কাৰ্যবাহী বিষয়াৰ জৰিয়তে এক চাৰিদফীয়া দাবী সম্বলিত এক স্মাৰক পত্ৰ প্ৰেৰণ কৰে ৷
দাবী সমূহ ক্ৰমে, ঘৰুৱা তথা ব্যৱসায়িক ক্ষেত্ৰত ব্যৱহৃত বিদ্যুৎৰ সঘনাই বলবৎ কৰা মাচুল বৃদ্ধিৰ জনবিৰোধী সিদ্ধান্ত বাতিল কৰক। ঘৰুৱা তথা ব্যৱসায়িক ক্ষেত্ৰত ব্যৱহত বিদ্যুতৰ সঘনাই বলবৎ কৰা মাচুল বৃদ্ধিৰ জনবিৰুধী সিদ্ঝান্ত বাতিল কৰক, স্মাৰ্ট মিটাৰৰ ক্ষেত্ৰত উত্থাপিত হোৱা আসোঁৱাহৰ তদন্ত কৰি গ্ৰাহকক ন্যায় প্ৰদান কৰা।
গৰমৰ দিনত ঘটি থকা বিদ্যুৎৰ লোড্ শ্বেডিং ৰোধৰ ক্ষেত্ৰত যথোচিত ব্যৱস্থা গ্ৰহণ কৰা। আৰু বিধানসভা নিৰ্বাচনত জনসাধাৰণক দিয়া বিনামূলীয়া বিদ্যুৎ যোগানৰ প্ৰতিশ্ৰুতি ৰক্ষা কৰক।
আনহাতে জিলা কংগ্ৰেছে ৰাজ্য চৰকাৰৰ বিৰুদ্ধে বিভিন্ন অভিযোগ উত্থাপন কৰাৰ লগতে স্মাৰক পত্ৰখনত উল্লেখ কৰা অনুসৰি বৰ্তমান অসম চৰকাৰে খাটিখোৱা জনতাৰ জীৱন ভয়ঙ্কৰ সমস্যাৰ মাজলৈ ঠেলি দিছে। প্ৰতি ইউনিটত মাচুল বৃদ্ধিয়ে মাহটোৰ শেষত প্ৰতিজন গ্ৰাহকে ভৰিব লাগিব তেওঁলোকৰ সিমীত উপাৰ্জনেৰে পৰিশোধ নোৱাৰা বিদ্যুৎ বিল। সাধাৰণ জনতাৰ পৰা সংগ্ৰহ কৰ -কাটলৰ ধনেৰে জিলাই জিলাই কেবিনেট পতা উৎসৱৰ নামত ঢাক- ঢোল বজাই ৰাজকোষৰ ধন তহিলঙ কৰা চৰকাৰখনে দেশৰ জনতাৰ কথা চিন্তা কৰি বাৰ্থিত মাচুলৰ সিদ্ধান্ত বাতিল কৰক।
বিদ্যুৎ উৎপাদন, সংবহন আৰু বিতৰণ সমগ্ৰ প্ৰক্ৰিয়াটোত চৰকাৰৰ বিদ্যুৎ কোম্পানী কেইটাৰ অদক্ষতাৰ বাবে বিভিন্ন ক্ষেত্ৰত বিদ্যুৎ এ অপচয় হৈ আছে। এই অপচয়ৰ পৰা ক্ষতি পূৰণৰ বাবে চৰকাৰে গ্ৰাহকৰ ওপৰত অতিৰিক্ত মাচুল জাপি দিছে। অথচ গ্ৰাহকৰ চাহিদা পূৰাব পৰাকৈ প্ৰয়োজনীয় বিদ্যুৎ উৎপাদন কৰিবলৈ যোৱা সাত বছৰে (২০১৬ চনৰ পৰা) চৰকাৰে পদক্ষেপ লোৱা চূড়ান্ত ভাৱে ব্যৰ্থ হৈছে।
সেয়েহে চৰকাৰে এনে বিফলতাৰ প্ৰতিপক্ষিতত গ্ৰাহকৰ ওপৰত অপ্ৰয়োজনীয়ভাৱে মাচুলৰ বোজা জাপি দিয়াৰ বাবে জিলা কংগ্ৰেছে অসম চৰকাৰৰ এনে সিদ্ধান্তৰ প্ৰতিবাদ জনাই আজি স্মাৰক পত্ৰ প্ৰেৰণ কৰিছে বুলি স্মাৰক পত্ৰটোত উল্লেখ কৰিছে ৷৷আজি স্মাৰক পত্ৰ অৰ্পণৰ সময়ত জিলা কংগ্ৰেছৰ উপ সভাপতিদ্য় ছেমছনছিং ইংতি, ৰতন ইংতি, সাধাৰণ সম্পাদক দ্বয় ছুৰেণ ছিংনাৰ আৰু মলয় বৰাৰ লগতে সদ্য বিজেপিৰ কংগ্ৰেছ দলত যোগদান কৰা প্ৰাক্তন ইএম ভূপেন হাঞ্চু উপস্থিত আছিল ৷
