অসমৰ বিদ্যালয়সমূহত গণিত আৰু বিজ্ঞান বিষয়ৰ ইংৰাজীত পাঠদানক (Teaching in English in maths and science subjects) কেন্দ্ৰ কৰি ৰাজ্যজুৰি প্ৰতিক্ৰিয়া অব্যাহত থকাৰ সময়তে উক্ত সিদ্ধান্ত বাতিলৰ বাবে সদৌ অসম ছাত্ৰ সন্থাৰ (All Assam Students Union) নিৰ্দেশ মৰ্মে আৰু কাৰবি আংলং জিলা ছাত্ৰ সন্থা (Karbi Anglong Students Union)ৰ সহযোগত এমহীয়া আন্দোলনৰ অংশ স্বৰূপে আজি ডিফুৰ ছেমছনছিং ইংতি মেম’ৰিয়েল পাৰ্কৰ সন্মুখত এঘণ্টীয়া বিক্ষোভ কাৰ্যসূচী (An hour-long protest) ৰূপায়ণ কৰে৷
প্ৰতিবাদকাৰী ছাত্ৰ কৰ্মীসকলে ‘বিজেপি চৰকাৰ মূৰ্দাবাদʼ, ʼআছু লং লীভʼ, ʼগণিত আৰু বিজ্ঞান বিষয় দুটা ইংৰাজী ভাষাত পাঠদানৰ সিদ্ধান্ত বাতিল কৰকʼ, ʼ অসম চৰকাৰ হায় হায়ʼ আহ ঐ আহ, ওলাই আহ, পুতলা মন্ত্ৰী ৰণোজ পেগু মৰ্দাবাদ আদি শ্লʼগানেৰে প্ৰতিবাদ সাব্যস্ত কৰে।
দিনৰ বাৰ বজাৰ পৰা বিক্ষোভ কৰা এই প্ৰতিবাদী কাৰ্যসূচীত আছুৰ কেন্দ্ৰীয় সহকাৰী সম্পাদক চৰ্জোন হাঞ্চে কাৰ্বি আংলং জিলা সমিতিৰ সভাপতি দিপজ্যোতি দাস, উপসভাপতি মুকুল হাজৰিকা, সহকাৰী সম্পাদক লাভলীৱেল ইংতি কাথাৰকে ধৰি কেইবাগৰাকীও বিষয়ববীয়া উপস্থিত থাকে।
সংবাদ মাধ্যমৰ সৈতে হোৱা বাৰ্তালাপত কেন্দ্ৰীয় সহকাৰী সম্পাদক চৰ্জোন হাঞ্চেই কয় যে, চৰকাৰৰ মাতৃভাষা বিৰোধী সিদ্ধান্ত কোনো পধ্যেই মানি লোৱা নহব৷ চৰকাৰৰ মাতৃভাষা বিৰোধী সিদ্ধান্ত বিৰুদ্ধে আছুয়ে সকলো জাতি-জনগোষ্ঠীৰে আলোচনাৰ পিছত এমাহযোৰা আন্দোলন ঘোষণা কৰিছে ৷ মুখ্যমন্ত্ৰী ডঃ হিমন্ত বিশ্ব শৰ্মাই অসমত আন্দোলন নাই বুলি কয় ৷ গতিকে মুখ্যমন্ত্ৰূৰ চকু নিশ্চয় বেয়া হৈছে, সেয়ে তেওঁক নেপালত চকু চিকিৎসা কৰিবলৈ পৰামৰ্শ আগবঢ়াইছে নেতাগৰাকীয়ে৷
