সমষ্টি পুনৰ নিৰ্ধাৰণৰ নিৰ্দেশনামা প্ৰকাশ কৰিলে নিৰ্বাচন আয়োগে(Election commission of India)। এই নিৰ্দেশনা অনুযায়ী লোকসভা আৰু বিধানসভাত একেই থাকিব সমষ্টিৰ সংখ্যা। খচৰা সন্দৰ্ভত ৰাজহুৱা শুনানি জুলাই মাহত কৰা হ’ব আৰু তাৰ বাবে জুলাই মাহতেই অসমলৈ নিৰ্বাচন আয়োগৰ দল আহিব।
উল্লেখ্য যে, এছটিৰ বাবে ১৯ টা বিধানসভা সমষ্টি আৰু ২ টা লোকসভা সমষ্টি সংৰক্ষিত হ’ব। পূৰ্বে এছটিৰ বাবে ১৬ টা বিধানসভা সমষ্টি সংৰক্ষিত হৈ আছিল। ইয়াৰ বিপৰীতে, এছ চিৰ বাবে বিধানসভা সমষ্টিৰ সংখ্যা ৮ৰ পৰা ৯ টালৈ বৃদ্ধি কৰা হৈছে। পশ্চিম কাৰ্বিআংলঙত ১ টা বিধানসভা সমষ্টি বৃদ্ধি কৰা হৈছে এছচিৰ বাবে। লগতে, এছচিৰ বাবে লোকসভাত ১ টা সমষ্টি সংৰক্ষিত হ’ব।
আনহাতে, ডিফু আৰু কোকৰাঝাৰ লোকসভা সমষ্টি এছটিৰ সংৰক্ষণ কৰা হৈছে যদিও লোকসভা সমষ্টি অ-সংৰক্ষিত হৈ থাকিব। ধেমাজিত অসংৰক্ষিত বিধানসভা সমষ্টি থাকিব আৰু বৰাক উপত্যকাত থাকিব দুটা লোকসভা সমষ্টি থাকিব।
