মণিপুৰত ৰাষ্ট্ৰপতিৰ শাসন জাপি দিয়াৰ জল্পনা-কল্পনা খাৰিজ কৰিলে মণিপুৰৰ মুখ্যমন্ত্ৰী এন বীৰেণ সিঙে (N Biren Singh) । কেন্দ্ৰীয় গৃহমন্ত্ৰী অমিত শ্বাহে (Amit Shah) দেওবাৰে আলোচনাৰ বাবে দিল্লীলৈ মাতে। বৈঠকৰ অন্তত এক টুইটত তেওঁ কয় যে মণিপুৰৰ পৰিস্থিতি চম্ভালিবলৈ কেন্দ্ৰীয় চৰকাৰ আৰু ৰাজ্য চৰকাৰ ‘সক্ষম’। তেওঁৰ বক্তব্যৰ সমৰ্থনত বীৰেণ সিঙে লগতে কয় যে ১৩ জুনৰ পৰা ৰাজ্যখনত হিংসাত্মক পৰিস্থিতিৰ বাবে কোনো লোকৰ মৃত্যুৰ খবৰ পোৱা নাই।
বীৰেণ সিং নেতৃত্বাধীন চৰকাৰখনে মণিপুৰৰ জনসাধাৰণৰ আস্থা হেৰুৱাইছে। এই অভিযোগ বাৰে বাৰে বিৰোধী দলৰ এটা অংশই উত্থাপন কৰিছে। এনে পৰিস্থিতিত ৰাজ্যত ৰাষ্ট্ৰপতিৰ শাসন জাপি দিয়াৰ দাবী উত্থাপন হৈছে। অৱশ্যে শনিবাৰৰ সৰ্বদলীয় বৈঠকত শ্বাহে ৰাজ্যত জৰুৰীকালীন অৱস্থাৰ সম্ভাৱনাক খাৰিজ কৰে। বৰঞ্চ ৰাজ্যৰ বিজেপি চৰকাৰৰ ওপৰত বিশ্বাস ৰখাৰ ওপৰত গুৰুত্ব আৰোপ কৰে। দেওবাৰৰ বৈঠকৰ সন্দৰ্ভত বীৰেনে টুইট কৰি কয়, “ৰাজ্যৰ শান্তিৰ বাবে আমাৰ কাম-কাজ শক্তিশালী কৰিবলৈ কেন্দ্ৰীয় গৃহমন্ত্ৰীয়ে আমাক পৰামৰ্শ দিছে।”
আনহাতে, নতুন অধিসূচনাৰ জৰিয়তে মণিপুৰ চৰকাৰে জনাইছে যে ৰাজ্যত আৰু পাঁচ দিনৰ বাবে ইণ্টাৰনেট সেৱা অৰ্থাৎ ৩০ জুনৰ বিয়লি ৩ বজালৈ বন্ধ থাকিব। শনিবাৰে দিনটোৰ ভিতৰতে মণিপুৰৰ বিভিন্ন প্ৰান্তত সেনাবাহিনীৰ ৰাইজৰ সৈতে সংঘৰ্ষ হয়। ভিৰৰ সন্মুখৰ শাৰীত মহিলাসকল আছিল। এঠাইত বন্দীসকলক মুক্তিৰ দাবীত চাৰিওফালৰ পৰা সেনাবাহিনীক ঘেৰি ধৰিছিল। তেওঁলোকক একেবাৰেই আগবাঢ়ি যাবলৈ দিয়া নহʼল। ইয়াৰ পিছত বাধ্যতামূলকভাৱে এই সিদ্ধান্ত লোৱা হʼল। ২০১৫ চনত ৬টা ডোগ্ৰা ইউনিটৰ আক্ৰমণত মুকলি হʼবলগীয়া গোটটোৰ সদস্যসকল জড়িত বুলি সন্দেহ কৰা হৈছে। বহুদিন ধৰি তেওঁলোকক ধৰিবলৈ চেষ্টা কৰি আছিল।
