বিগত বৰ্ষৰ জুন মাহৰ পৰা পুনৰ সক্ৰিয় হৈ পৰিছে বিষ্ণোই সম্প্ৰদায় (Bishnoi community)। প্ৰাতভ্ৰমণত প্ৰথম ভাবুকি-পত্ৰ লাভ কৰিছিল ছলমান খানে (Salman Khan)। য’ত তেওঁৰ লগতে পিতৃ চেলিম খানক হত্যাৰ ভাবুকি (Death threat) দিছিল। ইয়াৰ পিছত লৰেন্স বিষ্ণোৱে (Lawrence Bishnoi) মুকলিকৈ ছলমানক হত্যাৰ ভাবুকি দিছিল কেইবাবাৰো। কৃষ্ণসাৰ হৰিণ হত্যাৰ অপৰাধৰ বাবে ভাইজানক ৰাজহুৱাভাৱে ক্ষমা বিচৰাৰ কথাও কয়।
এইবাৰ আন এজন গেংষ্টাৰ গোল্ডি ব্ৰাৰেও (Gangster Goldie Brar) একেই ভাবুকি দিছে। এক সাক্ষাৎকাৰত কানাডাৰ পলাতক গেংষ্টাৰজনে স্পষ্ট কৰি দিয়ে যে ছলমান খান তেওঁলোকৰ ‘কিল লিষ্ট’ত আছে। উল্লেখযোগ্য যে যোৱা বছৰৰ মে’ মাহত পাঞ্জাবী গায়ক-ৰাজনীতিবিদ সিদ্ধু মুছেৱালাৰ হত্যাকাণ্ডৰ আঁৰত আছিল এইগৰাকী গোল্ডি ব্ৰাৰ।
‘আমি তেওঁক হত্যা কৰিম, হত্যা কৰাটো নিশ্চিত। ভাইচাবে (লৰেন্স বিষ্ণোই) কয় যে তেওঁ ক্ষমা খুজিব লাগে। যেতিয়া দয়া অনুভৱ কৰিব তেওঁ তেতিয়াহে দয়া দেখুৱাব।” আনহাতে, লৰেন্স বিষ্ণোৱে সাক্ষাৎকাৰত কয় যে ছলমানক হত্যা কৰাটোৱেই তেওঁৰ জীৱনৰ লক্ষ্য। সেই কথা উল্লেখ কৰি গোল্ডি ব্ৰাৰে কয়, “আমি আগতেই কৈছোঁ কেৱল ছলমান খান নহয়, আমি আমাৰ সকলো শত্ৰুক এনেদৰে শেষ কৰাৰ চেষ্টা কৰি যাম। বৰ্তমান ছলমান খান আমাৰ টাৰ্গেট। আমি সফল হʼলে আপোনালোকে গম পাবই।”
উল্লেখযোগ্য যে বিগত মাৰ্চ মাহত মুম্বাই আৰক্ষীয়ে ছলমান খানলৈ ভাবুকিপূৰ্ণ ই-মেইল প্ৰেৰণ কৰাৰ অভিযোগত গেংষ্টাৰ লৰেন্স বিষ্ণোই আৰু গোল্ডি ব্ৰাৰৰ বিৰুদ্ধে গোচৰ ৰুজু কৰিছিল। ছলমানৰ ঘনিষ্ঠ সহযোগী প্ৰশান্ত গুঞ্জলকাৰলৈ প্ৰেৰণ কৰা ই-মেইলত লিখা আছিল, ‘গোল্ডি ব্ৰাৰ’-এ আপোনাৰ বছৰ (ছলমান খান) সৈতে কথা পাতিব বিচাৰে। তেওঁ নিশ্চয় বিষ্ণোইৰ সাক্ষাৎকাৰটো দেখিছে। যদি দেখা নাই তেন্তে চাবলৈ কওক। যদি আপুনি বিষয়টো বন্ধ কৰিব বিচাৰে তেন্তে গোল্ডি ব্ৰাৰক কথা কোৱাৰ সুযোগ দিয়ক। মুখামুখীকৈ কথা পাতিব। মান্তি হ’লে মোক জনাব। সময়ৰ বিষয়ে অৱগত কৰা হʼব। আৰু যদি আপুনি মান্তি নহয় তেন্তে পিছত আচল কামটো হ’ব।”
