জম্মু-কাশ্মীৰত আন এক সন্ত্ৰাসবাদী আক্ৰমণ (JK terrorist attack)। বুধবাৰে কাশ্মীৰৰ কুলগামত চিআৰপিএফৰ তালাচী চকীত সন্ত্ৰাসবাদীয়ে আক্ৰমণ কৰে। এজন সেনা বিষয়াই জনোৱা মতে, এই সন্ত্ৰাসবাদী আক্ৰমণত ৩ চিআৰপিএফ জোৱান আহত হয়। ইয়াৰে ভিতৰত এজন অসমৰ। জানিব পৰা মতে, তেওঁৰ নাম ৰাকেশ দাস। বাকী দুজনৰ এজন পশ্চিমবংগৰ আৰু আনজন মধ্যপ্ৰদেশৰ। উল্লেখ্য যে জম্মু-কাশ্মীৰৰ উপ-ৰাজ্যপাল মনোজ সিং কুলগামত থকাৰ সময়তে সংঘটিত হৈছে এই ঘটনা। জানিব পৰা মতে, কুলগাম জিলাৰ মিৰবজাৰৰ সমীপৰ আখৰানত সংঘটিত হয় এই আক্ৰমণ। সেই অঞ্চলত চিআৰপিএফ পোষ্ট আছে।
জোৱানসকলে টহল দি থকাৰ সময়তে হঠাৎ বাইকত উঠি একাংশ সন্ত্ৰাসবাদীয়ে আক্ৰমণ চলায়। এক বিবৃতিত চিআৰপিএফে কয় যে বুধবাৰে দিনৰ প্ৰায় ২.১৫ বজাত সন্ত্ৰাসবাদীয়ে কুলগামত আক্ৰমণ কৰে। জোৱানক লক্ষ্য কৰি গুলীচালনা কৰিবলৈ ধৰে। জোৱানসকলেও প্ৰত্যুত্তৰ দিয়ে। অৱশ্যে সন্ত্ৰাসবাদীৰ গুলীত তিনিজন জোৱান আহত হয়। আহতসকলক উদ্ধাৰ কৰি শীঘ্ৰে অনন্তনাগৰ এখন চিকিৎসালয়লৈ লৈ যোৱা হয়। তাত চিকিৎসাধীন হৈ আছে তেওঁলোক। ইফালে জোৱানসকলে গুলীচালনা আৰম্ভ কৰাৰ সময়ত সন্ত্ৰাসবাদীয়ে তৎক্ষণাত বাইকত উঠি পলায়ন কৰে। জোৱানৰ গুলীত কোনো সন্ত্ৰাসবাদী আহত হৈছে নেকি সেয়া এতিয়াও স্পষ্ট হোৱা নাই।
আক্রমণকাৰীক বিচাৰি উলিয়াবলৈ আৰক্ষী আৰু সেনা জোৱানে অভিযান আৰম্ভ কৰিছে৷ সমগ্ৰ অঞ্চলটো ঘেৰাও কৰি ৰখা হৈছে। অঞ্চলটোত কটকটীয়া কৰা হৈছে নিৰাপত্তা ব্যৱস্থা। জানিব পৰা মতে, জম্মু-কাশ্মীৰৰ লেফটেনেণ্ট গৱৰ্ণৰ বৈষ্ণৱীও এই উৎসৱত অংশগ্ৰহণৰ বাবে কুলগামত আছে। ইয়াৰ বাবে সকলো দিশতে চোৰাংচোৱাগিৰি বৃদ্ধি কৰা হয়। গুৰুত্বপূৰ্ণ স্থানত সেনা, অৰ্ধসামৰিক আৰু আৰক্ষীৰ লোকে ঘৰে ঘৰে তালাচী চলাইছে। এই সময়তে এই ঘটনা সংঘটিত হয়।
