জি-২০ (G-20)ৰ সভাপতিত্বৰ পিছৰে পৰা মোডী চৰকাৰে (Modi Govt.) বিজ্ঞাপনৰ বাবে ৫০৫ কোটিৰো অধিক ব্যয় (Advertising expenditure is more than Rs 505 crore) কৰিছে।২০২২ চনৰ ডিচেম্বৰৰ পৰা ২০২৩ চনৰ এপ্ৰিললৈকে জি-২০ সভাপতি পদ আৰু আনুষংগিক অনুষ্ঠান আৰু বৈঠকৰ বিজ্ঞাপনৰ বাবে মোডী চৰকাৰে ৫০,৬৪,৮৪,৯৯৬ টকা ব্যয় কৰিছে। তথ্য জনাৰ অধিকাৰ আইনৰ অধীনত কৰা আবেদনৰ উত্তৰত এই তথ্য প্ৰকাশ কৰা হৈছে।
তথ্য জনাৰ অধিকাৰ আইনে অৱশ্যে কোন মন্ত্ৰালয়ে এই বৃহৎ পৰিমাণৰ ধন প্ৰদান কৰিব সেই বিষয়ে অৱগত কৰা নাই। অৱশ্যে কেন্দ্ৰীয় যোগাযোগ ব্যুৰোৱে এই ধন বৈদেশিক পৰিক্ৰমা মন্ত্ৰালয়ে প্ৰদান কৰিব বুলি জানিবলৈ দিয়ে।ভাৰতে ২০২২ চনৰ ১ ডিচেম্বৰত ইণ্ডোনেছিয়াৰ পৰা জি-২০ৰ সভাপতিত্ব গ্ৰহণ কৰে।
প্ৰধানমন্ত্ৰী নৰেন্দ্ৰ মোডীয়ে কয় যে সমগ্ৰ বিশ্বৰ সন্মুখত ভাৰতৰ শক্তি দেখুৱাবলৈ এয়া এক সোণালী সুযোগ। অহা ছেপ্টেম্বৰ মাহত দিল্লীত অনুষ্ঠিত হʼব জি-২০ গোষ্ঠীসমূহৰ দেশৰ সন্মিলন। তেতিয়ালৈকে ভাৰতৰ বিভিন্ন প্ৰান্তত প্ৰায় ২০০টা ভিন্ন অনুষ্ঠান আৰু সভা অনুষ্ঠিত হʼব। জি-২০ৰ সভাপতিত্ব ঘোষণাৰ পিছৰে পৰা ৰাজধানী দিল্লীৰ পৰা আৰম্ভ কৰি বিভিন্ন স্থানলৈ, বিশেষকৈ বিজেপিশাসিত ৰাজ্যসমূহত মেট্ৰো ষ্টেচন, ৰেক, বিভিন্ন ঠাই বিজ্ঞাপনেৰে ভৰি পৰিছে।
দিল্লী মেট্ৰোৰ দেৱালত বিজ্ঞাপন। ৰেকৰ বাহিৰত ডাঙৰ ডাঙৰ পোষ্টাৰ আৰু ভিতৰত সৰু পোষ্টাৰত জি-২০ প্ৰেচিডেন্সিৰ বিজ্ঞাপন দিয়া হৈছে। তাত লিখা আছে, বসুদেৱ কটুম্বকম। বিজ্ঞাপনৰ বাবে কেন্দ্ৰীয় চৰকাৰে ১০০ৰো অধিক সংস্থাৰ সৈতে বান্ধ খাইছে। তথ্য জনাৰ অধিকাৰ আইনে বিজ্ঞাপন সম্প্ৰচাৰৰ মাধ্যম জানিবলৈ বিচাৰে। ইয়াৰ উত্তৰত কেন্দ্ৰীয় চৰকাৰে ৰেডিঅʼত বিজ্ঞাপনৰ খৰচ ১.১০ কোটি টকা বুলি কয়। এই সন্দৰ্ভত কোনো বিজ্ঞাপন টেলিভিছনত দিয়া হোৱা নাছিল আৰু বিজ্ঞাপন সম্পৰ্কীয় কোনো তথ্য বাতৰিকাকততো দিয়া হোৱা নাছিল।
আন একআৰটিআই আবেদন দাখিল কৰে তৃণমূল নেতা সাকেট গোখলেয়ে। তেওঁ জানিব বিচাৰে যে যিকোনো টেলিভিছন চেনেলত কিমান বিজ্ঞাপন দিয়া হৈছে। অৱশ্যে সেই তথ্য প্ৰকাশ কৰা হোৱা নাছিল। কেন্দ্ৰীয় চৰকাৰৰ তথ্য অনুসৰি, বিগত এবছৰত বিজ্ঞাপন খণ্ডত ৭০ কোটি টকা ব্যয় হৈছে। কিন্তু ইয়াৰ দ্বাৰা প্ৰতিযোগিতামূলক পৰিস্থিতি নষ্ট হʼব বুলি যুক্তি দি কোন চেনেলৰ পৰা কিমান টকাৰ বিজ্ঞাপন লাভ কৰিছে সেই তথ্য প্ৰকাশ কৰা নাই মোডী চৰকাৰে।
